Tallimanngorneq 4. april 2014 nal. 14:30 Sisimiuni Qeqqata kommuniata ataatsimiittarfiani Hans-Jakob Lyberth-ip IT-supporteritut ilinniakkaminik naammassinera atatillugu sulisunit ilaqutaanillu nalliussineqarpoq.
Hans-Jakob immikkut isiginiarneqarluni Borgmesteri Hermann Berthelsen-imit nersualaarneqarpoq soorlu ilaatigut Hans Jakob-ip 2011-imi 17-inik ukioqarluni Qeqqata Kommunianut qinnuteqaasiarisimasaa atuaraa.
Qinnuteqaasiamini imminut ilisaritinnera neriorsuineralu ullumikkut naammassinerminut piviusunngortippaa. Sullarissuunera, ikiuukkumatunera, suleqatikkuminarnera minnerunngitsumillu piffissamik ataqqinnittuunera nersualaarutigineqarput.
Hans-Jakob Borgmesterimit naasunik atuakkamillu tunineqarpoq kiisalu sulisuniit aningaasat katersorneqarsimasut IT-chef-i Ulrik Motzfeldt-ip tunniuppai.
Hans-Jakob Lyberth-ip ilinniaqqinnissani siunniuteqqavaa.
Qeqqata kommuniata naammassisoq ilaqutaalu pilluaqqujumavai siunissamilu
ajunnginnerpaamik kissaallugu.