Ukioq aputaajaaffiusoq sioqqullugu Teknikkimut Avatangiisinullu Immikkoortortap tulliuttut malugeqquai:
- Aqqusernginik, pisuinnaat aqqutaannik majuartarfinnillu tamanit atugassiani Qeqqata Kommunia aputaajaasarpoq. Aqqusinermi nunaminertamik atugassiiffiusumut kingulliup tullianut aqqusinermut appakaaffissaq aqquserngit tamanit atugassiaasut tikillugu imaqarput.
- Aqquserngit tamanit atugassiat tamarmik immikkoortunut marlunnut agguataagaapput (aqquserngit pingaarnerit, aqquserngillu pingaarnersiugaanngitsut soorlu biilinut inissiisarfiit). Tulleriaarineq taanna malillugu piaarnerusumik aputaajaasoqartarpoq. Taamaattumik aqquserngit minnerusut aputaajarneqartarnerat utaqqinalaarsinnaasarpoq.
- Aqquserngit tamanut atugassianit atortut qanittumi inissisimasut tamarmik ersarissumik nalunaaqutserneqarsimassapput. Atortut nunaminertamik atugassiinermik pisariaqartitsisut, atugassinneqarsimassapput.
- Aputaajaanermi ajoqusikkat, erseqqissumik nalunaaqqutserneqarsimanngitsut, taarserneqassanngillat.
- Atortuni ersarissumik nalunaaqutseqqasuni ajoqusiinerit, ingerlaannartumik Teknikkimut Avatangiisinullu immikkoortortamut oqarasuaat 58 58 77 imaluunniit 52 79 22 imaluunniit hafo@qeqqata.gl atorlugit nalunaarutigineqassapput. Ajoqusiineq ingerlaannartumik nalunaarutigineqartinnagu, Teknikkimut Avatangiisinullu immikkoortortaq ajoqusikkamut taarsiisinnaannngilaq.
- Sikkilit, aneerussiviit, qamuteralaat, umiatsiat assigisaallu aqqusernup sinaanut ilineqarsimasut aputaajaatini aquttunit takuneqarsinnaanissaat naatsorsuutigijuaannarsinnaanngikkipput maluginiaqquvarput. Aamma taamatut pisoqarsimatillugu ajoqusersimasunik taarsiiffigitinnissaq naliginnaasumik ilimagineqarsinnaanngilaq.
- Tamanut aqqusinernik aputaajanermut atatillugu namminerisamik illut tungaannut aqqutit imal. majuartarfiit nivannerlukunik asserneqassappata, taakkuninnga atuisoq pisussaavoq nammineq akilikkaminik nivannerlukut peernissaat isumagissallugu.
Illoqarfimmi immikkoortut aputaajarneqartartut
www.qeqqata.gl. –imi
takusinnaavatit.
Aputaajaanermut apeqqutissaqaruit
oqaaseqaatissaqaruilluunniit,
Teknikkimut Avatangiisinullu immikkoortortamut
attaveqarnissannut tikilluaqqusaavutit.
Inussiarnersumik
inuulluaqqusilluta
Teknikkikkut Avatangiisinullu Immikkoortortaqarfik
Bilag:
- Qeqqata Kommuniani snevagtplan 2014-2015 imatut isikkoqarpoq
- Aputaajaaneq Avannaa 2014-2015
- Aputaajaaneq Kujataa 2014-2015