Sisimiut Katersugaasiviat ilaqutariinnik immikkut saqqummersitseqataasussanik pissarsiorpoq.
Ilaqutariit oqaluttuassallit, pisattanillu saqqummersitassanik atukkiisinnaasut soqutigaagut. Sisimiuni kinguariikkaajullusi najuga-qarpisi? Nooqqammivisi? Angerlarsimaffissinni quliuisi, imaluunniit kisimiittuuit? Katersugaasiviup ilaqutariit assigiinngitsut Sisi-miuni najugallit oqaluttuassartaat saqqummersikkusuppai.
Ilissi pisataatersi aallaavigalugu oqaluttuarisaanersi
saqqummersikkusupparput. Pisataq sunaasinnaavorluunniit. Nutaaliaasin-naavoq,
assitoqarluunniit. Sunaluunniit ilaqutariissutsimut
sunniuteqarsimasoq.
Katersugaasivik illoqarfiup oqaluttuarisaanera
aallaavigalugu saqqummersitsisarpoq. Ilaqutariit inuillu ataasiakkaat aamma
oqa-luttuarisaanermut sunniuteqaqataapput. Maanna Illoqarfiup inuttai
ikiortigalugit illoqarfiup oqaluttuassartaasa ilaat saqqummer-sinniarparput.
Tamattami immikkuullarissunik oqaluttuassaqarpugut. Oqaluttuavullu oqaluttuamut
ataatsimoorutatsinnut anne-rusumut ilaapput. Oqaannarsinnaavugut, tamatta
oqaluttuarisaanermut sunneeqataavugut.
Saqqummersitsassamik filmiliorniarpugut. Filmimi ilissi pisataq
ilaqutariiussusermut sunneeqataasoq ilanngutarsi oqaluttuarissa-varsi. Aamma
illussi silataani assilitissaasi. Asseq, filmi, pisatarlu oqaluttuassinnut
ilaasoq saqqummersinneqassapput.
Saqqummersitsineq qaangiuppat pisattat
tamarmik inuttaminnut utertinneqassapput.
Peqataanissamut soqutiginnikkuit/soqutiginnikkussi katersugaasiviup pisortaa Christine Løventoft uunnga attavigissavarsi: 862551 imaluunniit uunnga: aclj@qeqqata.gl
Plakateq uani aamma takuuk