Umiarsualiup kangia-tungaani 800-B2 pillugu Kommunip pilersaarusiorfigineqarnerani tapiliussaq nr. 5-imi aalajangersakkatigut sanaartorfissaq ilaatinneqarpoq.
Sanaartorfissaq B2.1 – sanaartorfissaq ataaaseq tullinnguuttunut atorneqarsinnaasoq.
Umiarsualivik kiisalu umiarsualivimmi tunisassiornermut kiffartuussinermullu attuumassutilinnik suliffeqarfinnik umiarsualivimmut attuumassutilinnik pilersitsinissamut periarfissaq.
Sanaartorfissaq annerpaamik pingasunik quleriilimmik, toqqavialu 1000
kvm-iminik atsigisoq sanaartorfissatut immikkoortitaavoq.
Kommunip
pilersaarusiorfigineqarnerani tapiliussaq nr. 5-imut nunap assingani
ilanngussami 2-mi, nunaminertap inissisimanera takuneqarsinnaavoq.
Sanaartorfissamik pissarsinermut atatillugu, sanaartorfissap
atorneqarnissaanut Qeqqata Kommunia naatsorsuutiginngisaminik
aningaasartuuteqassagaluarpat, sanaartorfissagissaanermut akiliuteqarnissamik
piumasaqaateqartoqarsinnaassaaq.
Sanaartorfissaq saqqummiunneqartoq, 2015-imi
maajip 28-ani sanaartorfigineqarsinnaanngussasoq naatsorsuutigineqarpoq.
Nunaminertamik inniminniinissamik
qinnuteqarneq:
Piumasaqaataasartunut nalinginnaasunut tapiliussatut,
nunaminertanik qinnuteqartunut teknikkikkut piareersimanermik
aningaasaqarnikkullu piareersimanermik uppernarsaasinnaasunut nunaminertaq
atukkiunneqassaaq. Qinnuteqarfissap naanerani uppernarsaat
pigineqalereersimassaaq.
Nunaminertamik atugassiinermi/inniminniinermi
pingaartinneqassaaq, suliffeqarfik nunaminertamik atugassinneqartup kommunip
pilersaarusiorfigineqarnerani atugassatut immikkoortitai sapinngisamik
piaartumik piviusunngortissagai.
Teknikkikkut piareersimaneq:
- sanaartorfissatut qinnutigineqartumi ingerlatsinissamut suliniummik suliarilluakkamik pigisaqartoqarnissaa pingaartinneqassaaq.
Aningaasaqarnikkut piareersimaneq:
- Suliffeqarfik nunaminertamik qinnuteqaateqartup teknikkikkut nassuiaammi sanaartortugassamik ersersitsisumik atortulersuutinut aningaasaliissutissanik pissarsisinnaanermut uppernarsaammik takutitsisinnaanersoq pingaartinneqassaaq.
Tullinnguuttut aamma ilanngunneqassapput:
- Sanaartugassap qaqugu aallartinneqarnissaanut naammassineqarnissaanullu piffissaliussaq.
- Sanaartorfigissaanermut akileeqataanissamut aningaasartuutinut akiliisinnaanermut qinnuteqartup aningaasalersuisinnaanerminut kiisalu sanaartugassatut eqqarsaataasup sanaartorfioreerluni nunaminertamik atuilernissamut uppernarsaatitaa.
Paasissutissanik taakkunannga pigisaqartut qinnuteqartut kisimik
tiguneqassapput. Qinnuteqartup nammineq akisussaaffigissavaa, qinnuteqaat
naammattumik eqqortumillu paasissutissartaqarnersoq.
Paasissutissanik,
uppernarsaatinik qinnuteqaatillu ingerlariaasianut nalornissuteqartoqaruni,
imaluunniit paasissutissanik allanik pisariaqartitsisoqaruni, tamanna
Teknikkimut Avatangiisinullu immikkoortortamut saaffiginnissutigineqarsinnaavoq.
Qinnuteqarnissamut immersugassaq uani aaneqarsinnaavoq www.nunagis.gl
Nunaminertamik inniminniilluni qinnuteqaatit, Qeqqata Kommunia, Teknikkimut Avatangiisinullu immikkoortortaq, Postboks 101, 3911 Sisimiut tunniunneqassapput. Qinnuteqaatit sanaartorfissatut kissaatinik tulleriaakkanik imaqartinneqassapput. Qinnuteqaatit kingusinnerpaamik pingasunngornermi 27. maj 2015 nal. 14 tiguneqarsimasut piffissaagallartillugu tunniunneqarsimasutut isigineqassapput.
Piffissaq eqqorlugu qinnuteqaatit tiguneqartut tamarmik ataatsimut
tiguneqarsimasutut isigineqassapput. Sanaartorfissanut ataasiakkaanut
qinnuteqartut piukkunnartut arlaliuppata, makitsinikkut
aalajangiisoqassaaq.
Qinnuteqarfissap naanerani sapinngisamik piaartumik
agguaasoqassaaq makitsisoqarluniluunniit, tamatuma kingorna nunaminertamik
inniminniinermik pigisaqalersoq nunaminertamik atugassinneqarnissamik
qinnuteqarnissamut qaammatini pingasuni periarfissaqalissaaq. Nunaminertamik
atugassiilluni Qeqqata Kommunia tunniussinerani sanaartorfigissaanermut
akileeqataassutissaasinnaasoq ulloq taanna akilerneqassaaq, aammalu
nunaminertamik atugassiinermi tunniussisoqartinnagu akiliisimanermut
uppernarsaammik piumasaqarnissamut kommuni pisinnaatitaavoq.
Qinnuteqarfissap qaangiunnerani nunaminertaq qinnutigineqarsimanngippat, Qeqqata Kommunianut saaffiginninnikkut nunaminertamik atugassinneqarnissamik qinnuteqartoqarsinnaavoq.
Kommunip pilersaarusiorfigineqarneranut tapiliussaq nr. 5-imi Sisimiuni Umiarsualiviup kangia-tungaani, nunaminertamik inniminniinnermut nunaminertamillu atugassiisarnermut periutsit kiisalu sanaartorfigissaanermut akileeqataassutissanik agguaasarnermut akileeqqusinermullu aalajangersakkat kommunip pilersaarusiorneqarnerani digitaliusumi http://qeqqata.odeum.com/ naapertorlugu pissaaq.
Bilag