Angallatit talittarfiani assagiarsunniutit, karsit plastikkit qisuillu, poorsuit, minicontainerit, palitsit, uuliamut nappartat, pituuttat, qassutit, motoorinut atortut, umiatsiaaqqat aalisarnermullu atortut assigisaallu, Qeqqata Kommuniata matumuuna piginnittussarsiorpai. Takuuk nunap assinga assillu.
Piginnittussarsiuussinerup saqqummiunneqarneraniit, piginnittussarsiuussinermi piffissaliussaq aallartissaaq. Sumiiffimi tamaani uninngasut 2015-imi juulip arferngat nallertinnagu peerneqareersimassapput.
Angallatit talittarfiani uninngasuutigineqartunut piginnittut Teknikkimut Avatangiisinullu Immikkoortortap saaffiginnittarfianut ornigullutik, imaluunniit oqarasuaatikkut saaffiginnillutik ilitsivissamik allamik innersuuneqarsinnaapput. Saaffiginnittarfik ataasinngornermi, marlunngornermi, sisamanngornermi aamma tallimanngornermi nal. 10.00-imiit 14.00-ip tungaanut ammasarpoq. Oqarasuaatip normua: 86 74 60, 86 74 61 aamma 86 74 62. Imaluunnit e-mailikkut nassiussinikkutuunga sis.otm@qeqqata.gl.
Angallatit talittarfiata allanngortinneqarneranut atatillugu aalisartut piniartullu periarfissaat pillugit paasissutissat allatigullu apeqqutissaqaraanni, Aalisarnermut Piniarnermullu siunnersorti Otto Berthelsen, oqarasuaat 86 35 69/26 53 50-imut imaluuniit emailikkut otbe@qeqqata.gl-imut saaffigineqarsinnaavoq.
Piginnittussarsiuussinermi killiliusaq qaangiuppat, pigisat suli uninngasut
kommunimit peerneqassapput, asfaltileriffiullu eqqaanut ilitsivimmut
inissinneqassallutik.
Nunap assingani immikkoortoq aappaluttumik
titarnilersukkamit pigisat peerneqartussaapput.