Maniitsumi atuarfitoqaq B-109 aamma B-158 Qeqqata Kommuniata tuniniarpai. Illut 1916-imi aammalu 1955-imi sanaajupput. Illut taamatut taamaatsillugit taamatullu isikkoqartillugit ataatsimut tuniniarneqarput, tunisinerullu kingorna tunisisoq akisussaatinneqarsinnaanngilaq. Illut annikitsumik oqoqarput, nalunaarusiaq piserusuttunut tunniunneqarsinnaavoq.
B-109-mut B-158-imullu neqeroorutit Qeqqata Kommunianut kingusinner-paamik 2016-imi januarip 15-iani tunniunneqareersimassapput.
Neqerooruteqartup B-109 aamma B-158 sumut atussamaarnerlugit neqeroorummut nassiuaatitut ilannguteqquneqarpoq. Nassuiaat akigitinniagaq ilanngullugu neqeroorutit tiguneqarsimasut nalilersorneqalerpata ilanngunneqassaaq.
Neqeroorutit tiguneqarsimasut akornanni nammineq toqqaasinnaanermik tamaasaluunniit itigartitsissutigisinnaanerinut Qeqqata Kommunia imminut pisinnaatippoq. Piginnittuunermut allagartamik suliaqarnermut atatillugu aningaasartuutit tamarmik pisisumit akilerneqassapput.