Toqqarneqartut timersoqatigiiffiup niviarsiarartarivai, niviarsiaqqani angajullerni ukiut pingasut 2013-2014-2015 tulleriisiinnarlugit pissartanngorput aammalu mikinerni 2014-imi pissartanngor-titaqarlutik.
Timersuutertik nuannaralugu aalajaallutik pimoorussillutillu sungiusartuartarnermikkut angusarisaarneq pilersittarpaat. Allaallu ukioq manna finalemi hold 1-it aamma hold 2-it imminnut finalemi naapillutik.
Niviarsiaqqat arlallit piukkunnaateqarnertik pissutigalugu AWG 2018-2020-imi pisussanut malinnaavigineqalereerput, januarimilu sungiusaatigalugu Danmark-imut unammiartortineqassallutik.
Holditut ataqatigiissuupput imminnut sungiusaasunullu ataqqinnittuullutik.
Tassaappullu Aqissiaq Volleyball (AVI-p) niviarsiarartai årgang 2000-2001-2002-2003.
Pineqartoq inuusukkaluaqaluni inersimasuni arsartutut malunnaatilittut unammisartunngorpoq, isikkamik arsarnermi pikkorilluinnartuuvoq silassorissoq, sukkasooq teknikkigissorlu.
Aasaq inuusuttuaqqat unammersuarneranni pissuserissaartutut toqqagaavoq, aammalu pikkorin-nersiukkanut toqqagaalluni.
Qaammat kingulleq inuusuttuaqqat illup iluani arsarlutik GM-erneranni 2-ngoqataavoq, aammalu pikkorinnersiukkanut toqqagaaqqilluni.
Timersortartutut angusaqarusulluni sungiusartuartuuvoq tunniusimasuullunilu, taamaattumillu meeqqanut inuusuttunullu maligassiuisuulluni.
Pineqartorlu tassaavoq 18-inik ukiulik Phillip Holmene.
Pineqartoq Isikkamik arsartartuuvoq aammalu Volleyball-ertartuulluni, pikkorilluinnartoq angusa-qarusuttoq ilaminullu sungiusarnissamik kaammattuisinnaasoq, piumassuseqarluarnermigut tunniusimalluni sungiusartuartuuvoq imminut ineriartortittoq, timersortartoqatiminullu ataqqin-nittoq.
Målmanditut Island Games-imi peqataanikuuvoq, Volleyball-ertartutut inuusuttuni AWG-imut aammalu inersimasuni Island Games-imut aamma peqataanikuulluni, sulilu siunissami peqataasar-nissaa qularnanngilluinnarluni.
Qaammat kingulleq inuusuttut illup iluani arsarlutik pissartanngorniunneranni sungiusaasooqataa-voq, kusanarluinnartumillu nr. 2-ngortitseqataalluni.
Pineqartorlu tassaavoq 24-inik ukiulik Klaus Egede.