Qeqqata Kommuniani Sisimiut aqutsiveqarfiani 2016-imi ukiaanerani umimmanniarneq 2016-imi aggustip aallaqqaataani aallartissaaq, 2016-imilu oktobarip 15-iata tungaanut ingerlassalluni.
Piffimmut umimmaat 300-it ukiuunerani umimmanniarnissami Namminersorlutik Oqartussanit pisassiissutigineqarput.
Piffimmut pineqartumut killilikkamik pisassiisoqarnera pissutigalugu akuersissummik qinnu-
teqartitsineq ingerlanneqassaaq. Tamatuma kingorna qinnuteqartut akornanni makitsisoqassaaq, qinnuteqartullu amerlassusii apeqqutaallutik akuersissutit qinnuteqartunut ataasiakkaanut pisassiissutit qassiussanersut aalajangiisuussalluni. Erseqqissaatigineqassaaq: Sisimiut aqutsiveqarfiani ukiaanerani umimmanniarnermi qamuteralaat ATV-llu umimmannik malersuinermi piniarnermilu atornissaat inerteqqutaammatA.
Qinnuteqartitsineq nunaqarfinni kommunip allaffiinut, Sisimiuni kommunip Innuttaasunik Sullissivianut aammalu Sisimiuni piniarnermut aalisarnermullu siunnersortimut saaffiginninnikkut pissassammata. Ilisimatitsissutigineqassaaq qinnuteqarsinnaanermut piumasaqaataammat, sunngiffimmi piniarnermut allagartap atuuttup 1. maj sioqqullugu akilereersimanissaa aammalu qinnuteqartut 16-inik ukioqalereersimanissaat.
Piffimmut ukiaanerani umimmanniarnissami qinnuteqartitsineq marlunngorneq 26. juli 2016 nal. 15.00 killeqarpoq.
Qeqqata Kommunia ulloq 6. Juli 2016
