Siulliit illoqarfiup qeqqani napparneqartut tassaapput qipoqqaap alleruisa saarngi.
Tullii napparneqartut tassaapput tikaagulliusaap alleruisa saarngi Arfernik isiginnaartarfiup eqqaani napparneqartut.
Taakku Maniitsup arfernik isiginnaariartarfittut ilisimaneqarnerulernissaa pillugu suliniutinut ilaapput, Maniitsup eqqaatalu takornariartarfittut avammut ussassaarutigineqartarneranut ilapittuutaaniartussaallutik.
Arferit alleruisa saarnginik tunisisuuvoq piniartoq Vilhelm Malakiassen.
Innuttaasut qinnuigissavagut napparneqartut eriagisassatut paarilluaqqullugit, Maniitsup avammut kiinaata ilaatut atulermata.
Arfernik isiginnaariartarfiup eqqaa suli inerisarneqassasoq takorluugaavoq.