Eqeersimaarneq 10 procentimik kinguneqarsinnaavoq
- Ulluinnarni eqeersimaalaarnermi pitsaasunik iluanaaruteqartoqarsinnaasoq isumaqarpugut. Suliffeqarfiit amerlasuut innaallagissamut, imermut kiassarnermullu aningaasartuuminnit 10 procent tikillugu sipaaruteqarsinnaassapput. Qeqqata Kommuniani aningaasaqarnermut pisortaq Claus Espersen oqarpoq, aningaasarpassuanngorsinnaasut avatangiisitsinnullu iluaqutaasinnaallutik.
Kommunip suliffeqarfiutaanut tamanut pulaarneq
Piffissami aggersumi nammineerluni suleqatini marluk ilagalugit kommunip suliffeqarfiutaanut tamanut pulaassapput. Taamaaliornerminni aqutsissuusoq ilagalugu suliffeqarfinnik misissuissapput aammalu avatangiisinut sunniutaanik nalilersuillutik. Taakku saniatigut avatangiisit pillugit sullissisoq nukinnik sipaarsinnaanermut periarfissanik aammalu sapinngisamik minnerpaamik avatangiisinik ajoqusiinnginnissamut tikkuartuissaaq.
- Uani aamma pisiniartarnerit aammalu mingutsitsinnginnissaq pineqarput. Qaqorsaatiniit eqqiaanermi atortuneersuusinnaapput ikummatissanut aammalu pappilissanik atuinerit. Claus Espersen nassiuaavoq, pineqartumi tassani ulluinnarni eqqarsarlualaanikkut annertuumik allannguisoqarsinnaasoq.
Ulluinnarni atortunik isumatusaarluni atuineq nalorninanngitsumik sipaarnermik kinguneqassaaq. Aammaarluni aningaasat, kommunip suliffeqarfiisa siunertanut allanut atorsinnaasaat.
Atuineq internet aqqutigalugu malinnaaffigiuk
Innaallagissamik, imermik kiassarnermillu atuineq pineqartillugu, Nukissiorfiit nittartagaat kommunillu aningaasaqarnikkut aqutsinermut systemianut toqqaannartumik appakaassinnaanikkut kommunip suliffeqarfiutaasa namminneq atuinertik malinnaavigisinnaavaat. Nikingasoqalersillugu aqutsisut akulerussinnaapput, taamaalilluni aningaasat allamut ingerlasussaajunnaarsillugit.
Avatangiisinik aqutsinermik suliniut Qeqqata Kommuniata 2020-mi Issittumi atuilluartuunissamut inuiaqatigiittut maligassiusuunissaanik takorluugaanut ilaavoq.
- Kommunalbestyrelsimi annertuumik pingaartinneqarpoq, kommunitut siuttuussasugut avatangiisinillu aqutsinermik suliaqarluta. Taamaattumik Qeqqata Kommuniani suliffeqarfinni ataasiakkaani ilisimasaqarnissaq qaffassarniarlugu nukiit amerlasuut atorpagut, Claus Espersen oqaluttuarpoq.
Sukumiisumik paasissutissanik pissarsiniaruvit attavigiuk
Claus Espersen
Qeqqata kommunia
Makkorsip aqq. 3
(+299) 867312
cles@qeqqata.gl