Qinersinissaq

Kommunalbestyrelsinut, nunaqarfinni aqutsisunut ilagiillu sinniisaannut qinersinissaq aalajangerneqarpoq pissasoq:

Marlunngorneq 4. april 2017 nal. 9:00 – 20:00

Qeqqata Kommuniani kommunalbestyrelsimut qinerneqassapput ilaasortassat 15-it

Qinigassanngortittoqarsinnaavoq kisimiilluni, kisimiillutik qinigassanngortillutik kattusseqatigiittut, imaluunniit partii qinigassanngortitsisinnaasoq sinnerlugu qinigassanngortissinnaapput.

Kisimiillutik qinigassanngortitut ikinnerpaamik qulinit atsiorneqarsimassapput.

paasisaqarusukkuit uku pillugit: Qinersisinnaatitaasut, qinersisussat allattorsimaffii, allakkatigut taasineq.

Kingusinnerpaamik ulluinnaat marluk qinersisussat allassimaffiisa saqqumitinnera­niit, kinaluunniit isumaqartoq pissu­tissaqanngit­sumik allassimaffimmi ilanngunneqarsimanani imaluunniit ilanngunneqarsimalluni, qinersi­ner­mik siulersuis­unut allalluni naammagittaalliorsinnaavoq.

Qinersisinnaatitaaneq

Kommunalbestyrelsimut qinersisinnaatitaasoq qinersisussat allassimaffiani allassimassaaq.

Ulloq qinersivimmi 18-inik ukioqalereersimassaaq.

Qinersinissaq sioqqullugu kingusinnerpaamik sapaatit akunnerini 6-ini kommunimi pineqartumi aalajangersimasumik najugaqarsimanissaq, tassa imaappoq ullormi 21. februar 2017

Kommunimi qinersinissaq sioqqullugu Kalaallit Nunaanni qaammatini arfi­nilinni na­jugaqarsimassaaq sap. ak. arfinilinni Qeqqata Kommuniani najugaqarsimassalluni.

Nunaqarfimmi aqutsisunut ilagiillu sinniissaannut qinersinermi piumasaqaatit aamma taakku atuupput, taamatullu aamma ilagiinnut ilaa­sortaasari­aqarluni. Piumasaqaatit tamakkiisut nittartakkami takukkit.

Qeqqata Kommuniani qinersinermi siulersuisut

Hermann Berthelsen, siulittaasoq, Bitten Heilmann, Hans Frederik Olsen, Marius Olsen, Juliane Enoksen.

Init taasisitsivissat qinersinermilu aqutsisussat

Namminersornerullutik Oqartussat apriili 2009-mi ataatsimoorussanik nunaqarfinni aqutsisussanik qinersineq pillugu nalunaarutaat nr. 4, 22. januar 2009-meersoq

§ 1. Kommunini suliassaqarfiit aaqqissuuteqqinneqarnerat pillugu Inatsisartut inatsisaat nr. 14 19. november 2007-meersoq § 8 malillugu kommuninillu tusarniaasoqareerneratigut nunaqarfinni aqutsisunut amerlassutit allanneqartut ataatsimoorussanik nunaqarfinni aqutsisut qinersivinni ukunani qinerneqassapput: 

Qeqqata Kommunia 
Qinersivik                                         Amerlassusii       Qinersivivimmut ilaapput

Itilleq, Sarfannguit                                              5        Itilleq/Sarfannguit
Atammik, Napasoq                                            5        Atammik/Napasoq
Kangaamiut                                                        3        Kangaamiut
Kangerlussuaq                                                   3        Kangerlussuaq

Nunaqarfimmi aqutsisut sisamaapput:

Ataatsimoorussamik nunaqarfimmi aqutsisut Itilleq, Sarfannguit                                         

Ataatsimoorussamik nunaqarfimmi aqutsisut Atammik, Napasoq                                        

Kangaamiuni nunaqarfimmi aqutsisut

Kangerlussuaq nunaqarfimmi aqutsisut

Ilagiit sinniisaannut qinersisarnerit pillugit Namminersorlutik Oqartussat nalunaarutaat nr. 31, 30. december 2016-imeersoq

Kommunalbestyrelsinut, nunaqarfinni aqutsisunut ilagiillu sinniisaannut qinersisarnerit pillugit Inatsisartut inatsisaanni nr. 27, 28. november 2016-imeersumi § 70 naapertorlugu biskoppi tusarniaavigereerlugu aalajangersarneqarpoq:

Ilagiit sinniisaannut qinersineq

  § 1.  Qinersivinni tulliuttuni ilagiit sinniisissaat nalunaarneqartutut amerlassusillit qinerneqassapput:

Inatsit tamakkiisoq uaniippoq: http://inatsisit.gl/Lov?rid=%7bD4C1DE7D-2B7C-4CDB-8108-2EEF2E748ED3%7d&sc_lang=kl-GL   

Qeqqata Kommuniani Qinersinermi siulersuisut sinnerlugit

Borgmester Hermann Berthelsen
24. januar  2017