Naalakkersuisut jannuarip aallaqqaataaniit 2017 aalajangiipput, qimmiaqqanut akiuussutissamik kapitinneq akeqarunnaartoq akulikinnerusumillu kapitittassasut. Kalaallit Nunaanni qimmit tamarmik qimmit nappaataannut nalinginnaasunut akiuussutissamik kapitissasut massakkut inatsisaalerpoq, kapitittarnissamut pilersaarut Naalakkersuisut aalajangigaat malillugu.
Naalakkersuisut kommunip qimmiaqqanut kapuutissat pigeriigaannut aningaasartuutit utertittussanngorpai ("Pingaarnertut akiussutissaq"-mik taagorneqalertussaq). 2017-imi januaarip aallaqqaataata kingorna kommunimi akiuussutissat pisiarineqarsimasunut akiliutigineqarsimasut utertinneqassapput.
Qimmiaraatitit kapitinniarukkit, taava qimmilerisoq oqarasuaat 52 79 22-mut attavigiinnassavat.
Kisianni eqqaamallugu qaammat ataaseq, ukioq ataaseq ukiullu pingasut qaangiuppata kapiteqqinnissai. Taamaangippat akiuussutissaq iluaqutaavallaassanngilaq.
Qimmiutilimmut qimmit kapitikkumanngikkaanni pineqaatissiissutaasinnaavoq: Aallaqqaammut qimmilerisup qimmit pinngitsaaliissummik kapiniarsareqqaassavai.
Taamaaliortoqarsinnaanngippat kommunip qimmit toqunneqarnissai isumagissavaa piginnittumut taarsiiviginninnermik tunniussinertaqanngitsumik.