Suleqateqarneq
Ukiut arlallit sammivinnik assigiinngitsunik suliaqareerlutik maannakkut meeqqat atuarfiat digitaliusoq pillugu pisortat suleqatigiilerput. Illuatungeriit tamarmik periarfissarpassuarnik takorluugaqarput, taamaattorli aamma piviusunngortinnissaannut unammillernartoqassasoq nassuerutigalugu.
Nunatsinni meeqqat atuarfiini iPad-ip atuutilersinneqarnissaa kommuninit tamarmiusunit isumaqatigiissutigineqarpoq. Meeqqat atuarfiannik suiiniuteqarniarlutik pitsanngorsaaniarlutillu kommunit ataatsimoorlutik suliniummut aningaasaateqarfinnut aningaasanik qinnuteqarnikuupput. Suleqatigiinneq meeqqat atuarfiini digitalinngorsanissamut aqqutissaavoq.
2014-imi Qeqqata Kommunia aamma Kommune Kujalleq Kalaallit Nunaanni siullersalutik atuartunut tamanut ilinniartitsisunullu iPad-inik agguaassipput. 2017-18-imi kommunini meeqqat atuarfiinut sinneruttunut ilinniartitsisunngorniartunullu iPad-inik peqalernissaat maannakkut neriuutigineqarpoq.
Workshopertitsineq
Workshopertitsinermik siunertaavoq, atuartitsinermi teknologi atorlugu ilinniartitsinermik ukkataqalersitsinissaq, aammalu meeqqat atuarfiini digitalinngorsaanermut tunngatillugu suleqatigiinnerunissaq pingaartutut isigineqarluni.
Appel Danmark meeqqat atuarfiani digitalinngorsaanermi, aqutsisoqarnikkut unammillernarsinnaasut pillugit suliniummut oqallisaarummik, oqallittartoqatigiinnik avitseqatigiittarnissamullu oqilisaasuuvoq. Kommunini Atuarfimmi ilinniartitsisut, iPadinut ilitsersuisut, atuarfinni siunnersortit atuarfiullu pisortai peqataapput, maannakkullu teknologiimik atuinermi aammalu digitalikkut periarfissanik atorluaanissamik ineriartortitsinissamullu suleqatigiilerput.
Kalaallit Nunaanni digitalimik atuineq ukiuni makkunani ineriartupiloorpoq, pisariaqarporlu ingerlatsisut tamarmik ataatsimut anguniagaq tunaartaralugu suliniassasut. Tamanna pillugu workshopertitsineq pingaaruteqarpoq, tassa atuarfinni ilinniartitsisunut aalajangiisartuniit sinniisuutitaq peqataammat, aammalu atuarfiit teknologimik atuinerat eqqarsaatigalugu periarfissat unammillernartullu nassatarisussaagaa ataatsimut paasineqarmata.
Suleriaqqinnissaq
Digitalinngorsaalluni suliaqarnermi killiffik pillugu atuarfiit saqqummiipput, tassanilu piffissami aggersumi meeqqat atuarfiat digitaliusup pilersinnissaanut qanoq iliuuseqarsinnaanermik tikkuaallutik.
Inerisaavik ilinniartitsungorniarneq pillugu nutaamik isummersornissamut isumassarsiaasinnaasunik Inerisaavik saqqummiivoq, Ilinnartitaanermut Aqutsisoqarfik meeqqat atuarfiini digitalinngortitsinissamut periusissiaannik piviusunngortitsinissamut missingiummik saqqummiivoq, atuartitsinermilu iPadsip atuutilersinneqarnissaanut ataatsimut suliniutissanut siunnersuummmik kommunit saqqummiillutik.
Ineisaavimmut, Ilinniartitaanermut Aqutsisoqarfimmut aammalu kommunit allaffeqarfiineersunut isummersuuterpassuarnik pitsaasunik immersuipput. Inerisaavimmut siunnersuutit pitsasut pappilissamut qorsummut allanneqarput, Ilinniartitaanermut Aqutsisoqarfimmut pappiliaq aappaluttumut, kommuninullu pappilissamut sungaartumut. Meeqqat atuarfiat digitaliusoq piviusunngortinneqassappat, siunnersuutit pitsaasut oqartussaasunit pingasuusunit tigulluarneqartariaqarput.