Kulturikkut illorsuarmut minihaalimullu atasumik atuakkanik atorniartarfissamik, nipilersornermillu ilinniarfissamik nutaamik sanaartortoqarsinnaanissaa periarfissinniarlugu, pilersaarut suliarineqarpoq. Kulturikkut illorsuarmut minihaalimullu atasumik illup iluani sammisassaqartitsiniutit atassuserneqarnissaat kiisalu illuutinut isaarissat innarluutilinnut naleqqussarneqarnissaat pilersaarutikkut periarfissaalissaaq.
Ullumikkut naluttarfiup inissisimaffiani nutaanik sanaartortoqarsinnaalernissaa periarfissanngussaaq.
Pilersaarut kommunip nittartagaani www.qeqqata.gl takuneqarsinnaavoqimaluunniit Qeqqata Kommuniani Teknikkimut Avatangiisinullu immikkoortortami, Pilersaarusiornermut immikkoortumut saaffiginninnikkut pissarsiarineqarsinnaavoq.