Naapeqatigiisitsinerit
Kommunalbestyrelsimi ilaasortat nunaqarfinni aqutsisunik, nunaqarfinnilu kommunip allaffiini atorfilinnik naapeqateqarnerat, kommunalbestyrelsimi ilaasortat nunaqarfinni pissutsinik ilisimaarinninnerulernissaannik aqqutissiueqataassaaq.
Minutsini 15-ini naapeqatigiissinneqarnerminni oqallillualaavipput. Nunaqarfinni aqutsisut, nunaqarfinnilu kommunip allaffiini atorfillit missingersuutissanut arlalinnik kissaateqarput. Illu tamatigoortoq, katersortarfiit, timersortarfiillu kissaatitut ilaatigut taakkartorneqarput. Aammali atuarfinnut aningaasat immikkoortinneqartartut amerlanerusut, piniarnermut aalisarnermullu nakkutilliisup ilaneqarnissaa, atuilluartumillu takornarialerinissaq peqataasunit eqqartorneqarput.
Erinarsoqatigiinneq
Atortorissaarutitigut ajornartorsiuteqarneq atorluarlugu peqataasut erinarsoqatigiipput. ”Ataatsimoorniarpugut” erinarsorpaat, peqataasullu tamarmik nikueriarlutik tasiorlutik nippaarissumik ”Ataatsimoorniarpugut” erinarsorlugu. Peqataasut arlallit Kangaamiuneersut tusaaneqarsinnaavoq, Kangaamiormiummi erinagissorsuartut tusaamaneqarput.
Ukiut tamaasa kommunalbestyrelsip ataatsimiinnissani sioqqullugu, missingersuutissat pillugit isumasioqatigiittarput. Ukiup tullissaani kommunip missingersuutissaasa pingaarnersiorneqarnissaat, missingersuutissat pillugit isumasioqatigiinnerup siunertaraa.
Assit amerlanerut Facebook-itsinni takuneqarsinnaapput.