Imaassinnaavoq pinngortitami, assersuutigalugu qimussernermi, umiatsiamik angalaarnermi, pisunnermi, tammaarsimaarnermi, nuniannermi, piniariarnermi aalisarnermiluunniit inuuneq pillugu. Imaassinnaavoq aamma oqaluttuarsiaasoq, oqaluttuat imaluunniit nassaat takunikuusalluunniit suli ilisimaneqanngitsut.
Oqaluttuaasinnaapput nammineq misiginikuusatit, imaluunniit aataakkunnit/aanaakkunnit utoqqarnilluunniit oqaluttuat. Oqaluttuat nittartakkami allassavat aammalu nunaminertaq nunap assingani inissillugu immaqalu assinik ilanngussillutit. Oqaluttuasi ilisimasasilu nittartakkami siammarsassavagut, taamaalilluni assersuutigalugu meeqqat, tikeraat aamma innuttaasut taakku pillugit atuarsinnaallutik.
NIttartagaq ateqarpoq www.katersaatit.org
Suliniut Pinngortitaleriffiup Qeqqata Kommuiatalu suleqatigiissutigivaat aammalu Kalaallit Nunaata, Island-ip, Savalimmiut, Irland-ip, Sverige-p, Norge-p aamma Finland-ip akornanni suliniutaalluni annertooq, EU Northern Periphery and Arctic-imit tapiiffigineqartoq.