Kirsten Bødker naalagaaffiup, Namminersorlutik Oqartussat aamma kommunip ataani sulinermini nalliuttorsiorpoq, tamannalu Qeqqata Kommuniata ataatsimiittarfiani nalliuttorsiutigineqarluni.
Ukiuni 40-ni pisussaaffimminik naammassinnittarneranut, tunniusimanermigullu nukissanik allanut tunniussisarneranut Borgmester Malik Berthelsen-ip pilluaqquaa, naqissuserlugulu inuiaqatigiinni sanngiitsunik ukiuni taamak amerlatigisuni sulissagaanni imminerminit nukippassuarnik pisariaqarmat.
Danmarkimi sumiiffinni assigiinngitsuni sulereerluni, Kirsten Bødker 2006-imi Nuup Kommuneani / Kommuneqarfik Sermersuumi atorfinippoq. Tassani 2016 tikillugu, atorfiit assigiinngitsut, soorlu Innarluutilinnut immikkoortumi pisortatut aamma Ingerlatsiviit Oqartussaqarfiini Pisortatut sulisimalluni.
2016-imi Qeqqata Kommuniani innarluutilinnut immikkoortortaqarfimmi aqutsisunngorpoq, 2017-imiillu ilaqutariinnermut pisortaagallarnikuulluni.
Kirsten Bødker nukissaqarlni nuannaarlunilu suliartortorneranut, Qeqqata Kommuniani borgmesterip Malik Berthelsen-ip nersualaarpaa.
- Ukiormanna 65-iliigaluarlunga neriuutigaara ukiut arlallit suli maani kommunimi suliumaarlunga, uummatikkummi isumakkullu suli inuusullunga misigisimavunga, Kirsten oqalugiarnermini ilaatigut oqarpoq.