Nassuiaat
Qeqqata Kommunia Kangerlussuarmi umiarsualivimmik nutaamik aammalu kangerluup qinnguaniit aamma umiarsualivimmit pioreersumiit 10 kilometerit missaannik ungasissusilimmi aqqusinermik ujaraaqqanik qallikkamik sananissamik kissaateqarpoq. Matumani aqqusineq 15 kilometerinik takissusilik pineqarpoq, taannalu piumasarineqarpoq ujaraaqqanik qallersorneqarluni kussinilersorneqarlunilu 2x3 meterinik silissuseqassaaq. Aqqusernup ujaraaqqanik qallikkap Kelly Ville-mi aqqusineqarfimmut pioreersumut attavilerneqarnissaa eqqarsaatigineqarpoq. Umiarsualivik pilersaarutigineqarpoq 60x60 meterimik talittarfeqassasoq, kiisalu pituttarfiit angisuut marluussapput, taamaalillunilu umiarsuit angisuut, soorlu assartuutit sinersorlunilu takornariartaatit talinnissamut periarfissaqassapput.
Innuttaasunik ataatsimiititsineq
Qeqqata Kommunia sanatitsisutut piumasaqaatit, atortut ilaasa avatangiisinut sunniutaannik nalilersuineq aamma avatangiisinik nakkutilliinermut akiliutit pillugit Namminersorlutik Oqartussat nalunaarutaanni nr. 5-imi, 27. marts 2013-meersumi aalajangersarneqartut naapertorlugit innuttaasunik ataatsimiititsisussaavoq. Qeqqata Kommuniata ataatsimiititsinissamut piffissarititaasoq najukkami tusagassiorfiit aqqutigalugit saqqummiutissavaa.
Tusarniaaneq
Kikkulluunniit suliamut soqutigisaqartut tusarniaanermi akissuteqaqqullugit kajumissaarneqarput. Tusarniaaneq tamanut ammasumik ingerlanneqassaaq, aammalu ullormit saqqummiussiviusumiit sapaatit akunnerini arfineq pingasuni ingerlassalluni.
Tusarniaanermi najoqqutassat ukuninnga imaqarput: Umiarsualivik aamma Kangerlussuarmi aqqusineq, ASN-imut nassuiaat.
Suliaq pillugu tusarniaanermi najoqqutassiani allassimanngitsunik annertunerusumik paasisaqarusunnermi Qeqqata Kommunia saaffigineqarsinnaavoq.
Tusarniaanermut killissarititaasoq: Marlunngorneq 5. december 2017, nal. 16:00. Tusarniaanermi akissuteqaat uunga nassiunneqassaaq:
Pinngortitamut Avatangiisinullu Naalakkersuisoqarfik, postboks 1614 3900 Nuuk
Imaluunniit e-mail-ikkut: pan@nanoq.gl
Saqqummiunneqarpoq: 5. oktober 2017, nal.: 16:00
Sammisaq:Avatangiisit
Tusarniaanerup suunera:Nalunaajaatit-Nalunaarusiat
Naalakkersuisoqarfik:Pinngortitamut Avatangiisinullu Naalakkersuisoqarfik
Saqqummiunneqarfia:
05 oktobari 16:00:00
Tusarniaanermi piffissaliussaq:
05 decembari 16:00:00
Tusarniaanermi akissutit uunga nassiuteqquneqarput:
pan@nanoq.gl
ILANNGUSSAT:
UMIARSUALIVIK AQQUSINERLU KANGERLUSSUARMI AVATANGIISINUT SUNNIUTAASUSSANIK NALILERSUINEQ (AASN)
Seismiske undersøgelser for havneprojekt i Kangerlussuaq
Ortofoto og højdemodel - Droneopmåling for Qeqqata Kommunia (qallunaatut)
Sisimiut Kommune - natur- og kulturforhold (qallunaatut)
FORUNDERSØGELSE TRACE FOR VEJ TIL NY HAVN , KANGERLUSSUAQ 2015 (qallunaatut)
RAMBØLL Kangerlussuaq ny havn (qallunaatut)
RAMBØLL Rapport over feltarbejde 2015 og 2016 (qallunaatut)
Fantastiske undervandslandskaber i arktiske søer (qallunaatut)
Dominant factors controlling variability in the lonic composition of west Greenland lakes (tuluttut)
Limnological and palaeolimnological studies of lakes in south-western Greenland
(tuluttut)
Hudson Resources inc. Navigational Safety Investigation (tuluttut)
A new ruby mine at Aaqqaluttoq, nitrogen load to the environment by mine blasting (tuluttut)