Antoinette Olsen ”Nitta” 1970-sikkunni Kangaamiuni meeqqerivimmi ukiualuit sulivoq tamatumalu kingorna Dagpleje aallartinneqarmat angerlarsimaffimmini meeqqanik paarsisarluni, Kommuunip Allaffiani Socialhjælperinngorpoq taannalu aamma ukiualuit suliffigalugu, tassanngaaniit utoqqaat illuani sulilerpoq napparsimalernissani tikillugu.
”Nitta” assassullaqqissuunermigut tusaamaneqarpoq avataaniit nunaqarfitsinniillu piumaneqaqisunik.
”Nitta” naasulerillaqqissuuvoq taamaattumik 2015-nimi ataqqinartorsuup Dronning Margrethe uiatalu Kangaamiuniinnerminni pilersaarutaanngitsumik ”Nitta”-p naasuutaai alakkarpai nunaqqataalluni tulluusimaarnaqisumik,tassungalu atatillugu ataqqinartorsuup utoqqaat illuanut pulaarnerani tunissutissamik ”Nitta”-p sanaavanik umimmaat qiviuanik sanaamik tunineqarluni.
Kangaamiut qeqqani kusassaanermi naasuutiminik nuussinikuuvoq aasakkut kusanartaqisunik.
Nersonaammik tunniussisiivoq Kommunalbestyrelsimut ilaasortaagallartoq Efraim Olsen.
