Ullumi sisamanngorneq maajip 24-ani Qeqqata Kommuniata Kommunalbestyrelsia Kangaamiuni ataatsimiippoq.
2018-imi maajip 24-ani Qeqqata Kommuniani Kommunalbestyrelsip Kangaamiuni ataatsimiinnermini, kommunimi attaveqaqatigiinnermi atortulersuutit annertunerusut katsersuutsilernissaat siunertaralugu, kommuni piginneqatigiilluni selskabimik pilersitsinissaa akuersissutigaa. Selskabi A/S Arctic Circle Traffic-imik taaguuteqassaaq.
Sisimiuni kommunip talittarfiutaa aamma Sermersuup Kellyvillellu akornanni aqqusineq selskabemi aallaqqaammut, Qeqqata Kommuniata aningaasaliiffigigunigissai pilersaarutaavoq. Malitsigisaanik selskabemut ataatsimoorussami Kangerlussuarmi mittarfimmi Namminersorlutik Oqartussat aningaasaliisinnaapput. Naalakkersuisut ataatsimoorussamik selskabimut piginneqataajumanngippata, Kangerlussuarmi mittarfik Qeqqata kommuniata 1 koruunimik akilerlugu pisiarinissaa neqeroorutigissaavaa.
Qeqqata Kommuniani Namminersorlutik Oqartussat mittarfiutaasa aamma umiarsualiviit sinneri selskabemi naalakkiutitut aningasaliiffigineqarsinnaapput, imaluunniit A/S Arctic Circle Traffic-imit ataaseq 1 koruunilerlugu pisiarineqarsinnaanissaat, kommunimit takorloorneqarpoq.
Aammattaaq eqqarsaataavortaaq, pilersaarutaareersut naapertorlugit, selskabimit Sisimiut Kangerlussuullu akornani aqqusinisaq pilersinneqassasoq.
- Aalajangiinikkut, kommunimut tarmut minnerunngitsumillu Kangerlussuarmi innuttaasunut iluaqutaasussamik, Kangerlussuup mittarfeqarfittut, takornariaqarfissuartut kiisalu sukisaarsarfittut ineriartortinneqarnissaanut Qeqqata kommunia piareersimavoq. Immikkoortumi periarfissat upperaagut, aammalu mittarfik nunaqarfillu sorsuutigissallutigit. Kangerlussuup Mittarfiani unammillernartut Namminersorlutik Oqartussanit ilisimasaqarfigineqanngippata, taamatullu mittarfik upperinngippassuk, sumiiffimmi piginnittoqarnissaq pingaaruteqarpoq, borgmester Malik Berthelsen oqarpoq.
Annertunerusumik paasissutissat:
Borgmester Malik Berthelsen, oqarasuaat 52 55 00