Unnuk Peqatigiffik QILAAT aallarniisuanit siulittaasuanillu John Angajoq-mit, Maniitsumi inunngornikuusumit paasissutissiinermik saqqummiinermillu aallartinneqassaaq. Nammineerluni siulersuisut peqatigalugit qilaatersortartut peqatigiiffiat QILAAT 2018-imi marsimi pilersippaa. Peqatigiiffik kalaallit qilaatersortarnerannik ataatsimoortarnermik paasissutissiisarnerullu, ilisimanninnerup aamma paasinnittaatsimik pilersitsissaaq. Taakku saniatigut inuiaqatigiinni nutaaliaasuni qilaatersortarnerup nukinga anersaavaatalu qanoq ingerlaqqissinnaanera peqatigiiffiup ukkatarivaa. Peqatigiiffik oqalugiartarnernik, workshoppinik, tammaarsimaarnernik allanilu neqerooruteqarpoq. Peqatigiiffik QILAAT Københavnimi Kalaallit Illuutaannik suleqateqarpoq, aammalu piffisap ingerlanerani kalaallit kulturiannik anersaavannillu suliaqarnermi, Kalaallit Nunaanni suleqatigiissitanik, kattuffinnik, katersugaasivinnik peqatigiiffinnillu suleqateqalersinnaaneq kissaatigalugu.
Unnukkut kingusinnerusukkut Åge Larsen aamma John Angajoq qilaatersussapput, qilaammillu atuisarneq pillugu oqaluttuassallutik.
Unnuk taanna iserneq 50 koruuninik akeqassaaq, taannalu ilanngarnagu Peqatigiiffik QILAAT-mut tussalluni.
John Angajoq aamma Peqatigiiffik QILAAT apersorneqarsinaanermut piareersimasinnaapput. Piffissami septembarip 12-ianiit 25-ata tungaanut Skype atorlugu imaluunniit Maniitsumi.
Attavissat paasissutissallu uani takuneqarsinnaapput:
Facebookkimi qupperneq: QILAAT
Nittartagaq: www.qilaat.org
Mail: qilaat2018@gmail.com aamma manmuseum@qeqqata.gl
