Meeqqanut tapersersuisarneq pillugu inatsisip malitsigisaanik, Ilaqutariinnermut immikkoortortap periuseq ukkatareqqilerpaa, taamaattumillu Isumaginninnikkut aqutsisoqarfik suleqatigalugu sullissisunut meeqqerivinnilu sulisunut kiisalu Ilaqutariinnut kiffartuussivimmi sulianik aallartisaasartussanut ataqatigiissaarisartussanullu pikkorissartitsisoqaqqammerpoq.
Ilaqutariinnik isumasioqatigiisitsineq siusissukkut iliuuseqarnissamik eqqarsaatersornissap annerpaartarivaa. Meeraq qitiuvoq, periuserlu annikinnerulluni meeqqamut attaveqaatit pissarititaasullu ilanngussuunneqarnissaannut ukkatarinninneruneq peqqutaalluni.
Meeqqat aalajangeeqataasinnaanerat
Ilaqutariinnik isumasioqatigiisitsineq meeqqat nipaattut atorneqarnissaa pingaaruteqartuuvoq, aammalu kikkut tamarmik taakkua isaanniit pisunik isiginnittarnissartik piareersimaffigereertassagaat. Tassa imaappoq, meeqqat namminneq inuunerminnut aamma aaqqiissutissatut isumaqatigiissutissatullu aallartisarneqartunut piginneqataanissaat oqaasissaqaqataanissaallu, aammalu tamarmik iliuusissatut pilersaarummut atsiortussatut pisussaaffeqassasut.
Ilaqutariinnik isumasioqatigiisitsinermi ilaqutariit inuillu attaveqaataasuni pingaarutillit meeraq inuusuttuararluunniit qanoq pitsaanerpaamik ikiorneqarsinnaanersoq pilersaarusiorfiginiarlugu naapitsinneqartarput, tassani peqqissusaa, inuulluataarnera ineriartorneraluunniit ernummatigineqarsimappat. Ilaqutariit attaveqaataasullu iluiniittut pissarititaasut atorneqarnissaat anguniagaavoq, taakkualu namminneerlutik akisussaaffigissagaat.
Amerlanerusut akuutinniarlugit, Ilaqutariinnermut immikkoortortap tunniussaqarusussinnaasut innuttaasut neqeroorfiginikuuai, taamaattumillu ataqatigiissaarisutut soqutiginnittut pikkorissarnermut peqataallutik.
Pikkorissarnermut peqataasut ataqatigiissaarisutut suliassanillu aallartisaasartutut atorneqartalissapput.
Qeqqata Kommuniani najoqqutassiaq
Nunani avannarlerni, ilaatigut Danmarkimi misilittakkanik allannguutaasinnaasunillu pissarsiffiulluarsimasut, Ilaqutariinnik isumasioqatigiisitsinermik periuseq atorluarneqartuusumut assingusuusumik, "Qeqqata Kommuniani najoqqutassiaq-mik" pilersaarummut Qeqqata Kommunia suliaqarpoq.
Taamaattumik periuseq Qeqqata Kommuniani najoqqutassiaq-mut Qeqqata Kommuniata ilaatinniarpaa, taanna periusaassaaq meeqqani inuusuttunilu ukkataqarluni illup iluani avataanilu akimortumik suleqatigiinnerup nukittorsarneqarnissaanik siunertaqartussaq, qaninnerusumillu attaveqarneq malitseqartitsinerillu qiteritinneqassaaq kiisalu angajoqqaat attaveqaatillu akuutinneqarnerunissaat.
|
Piviusut
|