Sunngiffimmi illuaqqiorsinnaanermut, takornarialerinermi illuaqqiorsinnaanermut, unnuisarfiliorsinnaanermullu periarfissat ingerlaavartumik ujartorneqartarput. Sisimiut Kangerlussuullu akornanni aqqusinissatigut kiisalu "Aasivissuit - Nipisat, sermip immallu akornanni Inuit piniariartarfiat" UNESCO-qarfittut toqqarneqaqqammersutigut nutaamik takornariaqarfiusinnaasumik pilersitsisoqarpoq. Aqqusinissaq sinerlugu unnuisarfinnik arlalinnik sanaartorsinnaanermut periarfissat pillugit takornarialerisut ujartuisimapput.
Misigisaqarnissamut illuatungaatigut tunngaviliilluni, illuatungaatigullu immikkoortumut appakaassinnaanermut atuisinnaanermullu tunngaviliilluni, taamaalillunilu pinngortitaq kulturikkullu eqqaassutissat sapinngisamik minnerpaamik ajoquserneqannginnissaat kiisalu soqutigisat pioreersut sianigineqassasut pilersaarutitigut qulakkeerneqassaaq.
Pilersaarut uani maluunniit Qeqqata Kommuniani Teknikkimut Avatangiisinullu immikkoortortami, Pilersaarusiornermut immikkoortumut saaffiginninnikkut pissarsiarineqarsinnaavoq.