Qeqqata Kommunia 2020-mi atuilluartuuffiorusuppoq - upperaarput innuttaasut peqatigiiffiillu namminneerlutik suliniuteqarsinnaanerat atuilluartuunissamik suliniummut aqqutissaasoq.
Sunut tapiissuteqarsinnaanitsinnut takorluuineq kisimi killiliivoq – suliniutit atuilluartuuginnassapput. Siusinnerusukkut ilaatigut sukuutsertarfimmut, minimarathon-imut, snowboard-ertartut atortorissaarutaannut, pisulluni angalaffimmut allagartalersuinernut, orpinnik ikkussuinermut, KS-69 arpaatinik attortittagassaanut kiisalu illumik issumik sanaamut tapersersuinikuuvugut
Pilersaaruteqaruit atuilluartuunissamik aningaasaliissutissanik qinnuteqarsinnaavutit. Kommunip katillugit annerpaamik 100.000 koruunit agguaatassarivai.
Ulloq qinnuteqarfissaq kingulleq: 1. april 2019.
Qeqqata Kommunia
Makkorsip Aqq. 2
Postboks 1014
3911 Sisimiut
E-mail: qeqqata@qeqqata.gl
Atuilluartuunissamik aningaasaateqarfimmut paasissutissat amerlanerit immersugassaalu uaniipput www.qeqqata.gl 2020-imi Atuilluartuunerup ataani imaluunniit najugaqarfinni kommunip allaffiani/kiffartuussiviani pappialanngorlugit pisinnaavatit.
Annertunerusumik paasissaqarusukkuit attavigisinnaavat:
Hans Henrik Olsen, oqarasuaat: 867314 – E-mail: hhol@qeqqata.gl