Peqatigiiffik Kalaallit Meerartaat aamma Kalaallit Nunaannilu kommunit akornanni suleqatigiinnissamut isumaqatigiissut siulleq ullumikkut atsiorneqarpoq. Taamaaliornikkut Qeqqata Kommunia aamma Peqatigiiffik Kalaallit Meerartaat ukiuni pingasuni sivisussusilimmik isumaqatigiissusiorput, kommunimi meeqqat isumaginninnikkut suliarineqarnissaanut isumaginninnikkulluunniit suliassaqarfiusinnaasut, illersuisumik Najortimik tunineqarsinnaanerannut qulakkeerisumik.
”Siullerpaajusutut Qeqqata Kommunik suleqatigiinnissamut isumaqatigiissusiornerput nuannaarutigisorujussuuarput” Puk Draiby, allattaaneq oqarpoq.
Isumaqatigiissut Qeqqata Kommuniani Ilaqutariinnermut Isumaginninnermullu Ataatsimiititaliamit akuersissutigineqarpoq, ilaatigullu ima isumaqarluni, kommunip pisussaaffigileraa Najorteqartitsineq aningaasaqarnikkut tapersersussallugu, kommunillu meeqqanik oqaloqateqateqarnissamut inissaqartitsinissaq isumagissagaa.
”Suleqatigiinneq una aqqutigalugu kommunimi meeqqanut tamanut tapersersorteqarnissaminnut pisinnaatitaaffeqartunut pisariaqartitsisunullu pisussaaffitsinnik naammassinnissinnaanngornerput nuannaarutigisorujussuuarput” Malik Berthelsen oqarpoq.
Meeqqat tamarmik illersuisoqarnissaminnut pisinnaatitaaffeqartut 2017-imiilli inatsisinngornikuuvoq, kommunillu tassunga pisissaatitaapput.