Qeqqata Kommunia karsimi aningaasat piiarniarpai, taamaalilluni karsimi aningaasaataarutissalluni. Tamanna ilinnut innuttaasutut ima isumaqarpoq, 2019-imi septembarip aallaqqaataanit illoqarfinni nunaqarfinnilu aningaasat atorlugit akiliisinnaajunnaassallutit
Kommunimi aningaasanik akiliisinnaajunnaarnerup eqqunneqarnerata malitsigisaanik, sumiiffinni tamani innuttaassunik sullivinni dankort terminalinik pissarsiniartoqarnikuuvoq, taamaalillunilu tullinnguuttut atorlugit akiliisoqarsinnaalluni:
- Akiliut
- Dankort
- Visa Dankort
- MasterCard Young
- MasterCard Standard
- MasterCard Guld
Illoqarfinni nunaqarfinnilu- pingaartumik nunaqarfinni TelePost-imi imaluunniit Pilersuisumi aningaasanik tigusisariaarunnikkut, minnerpaamik 20 koruuninik sipaaruteqarlutit, innuttaasutut korti akiliutaasartoq atorlugu innuttaasunik sullissivinnut akiliuteqartarnikkut aningaasanik sipaaruteqartassaatit.
Aningaasanik akiliuteqartarunnaarnerup kingunerissavaa, aningaasanik akiliisinnaajunnaarneq, tamanna ilaatigut errorsisarfinnut, uffartarfinnut (nunaqarfinni) kiisalu ilinniartut inaannut akiliuteqartarnissamut, najugaqarnermut uppernarsaatinut, meeqqerivimmiisitsinermut, eqqagassalerinermut anartaajaalerinermut il.il. kiffartuussinermut akiliuteqarnissamut atuuppoq.