Allattoq: Aputsiaq Olsen Jonathansen, Timersornermut siunnersorti
Meeqqat atuartut 150-inik ikinnerunngitsut peqataapput. 4 klasse-niik 9 klasse ilanngullugit.
Peqataasunut imeq aammalu naatitat tigoriaannaat pissarsiarineqarput. Brugseni naatitanik tunisisuulluni.
Ukiormanna nutaartaavoq pokal ingerlaartoq aallartinneqarmat. Tassa atuarfik ’pissartanngortitaqarnerpaaq’ pokal ingerlaartumik tigusissammat, taannalu aappaagu illersorneqartussaassaaq tigusisumit.
Unammisaqattaartut niviarsiaqqat nukappiaqqallu akulerullutik unammisaqattaartariaqarsimapput, ilaatigut klasse peqataatitassaminik nukappiaqqat niviarsiaqqallu avissallugit periarfissaqarsimanngillat soqutiginnittut ilaatigut amerlannginnamik.
Klasse katillutik 28 nalunaarsimapput peqataaniarlutik, meerarpassuillu peqataasut nuannisaqaaq.
Pissartanngortut ukuupput:
4.E, 5.A, 6.A, 6.A (niviarsiaqqat), 7.B, 8.D, 9D.
Nalunnguarfiup Atuarfianiit 3
Minngortuunnguup Atuarfia 4
Pokal ingerlaartoq Minngortuunnguup Atuarfiata tiguaa.