Borgmesteri Malik Berthelsen Rambøllimeersorlu Lone Godske Kangerluarsuk Tullermiit Kangerlussuarmut aqqusiniornissamut pinngortitamut sunniutaasunnaasut pillugit saqqummeereermata innuttaasut apeqquteqarput.
Avatangiisinut sunniutaasinnaasunut ilaatigut apeqqutigineqarput, soorlu tuttoqarfinni aqqusiniliornissaq ernumassutigineqarpoq, piffimmilu aavartartut ilaasa tuttut ernumagalugit innuttaasut ilaasa oqaatigaat.
Innutaasulli amerlanerit aqqusinissamut utaqqikatallutik aamma oqariartuutigaat, aallartinnissaanullu qilanaarlutik. Ilaasalu oqaatigaat uumasut sungiussisartut, taamaattumik aqqusinissaq tuttoqarfinnut ajoqutaanavianngittoq.
Unnuk nuannersumik ingerlanneqarpoq.
Kangerlussuarmi februarip ulluisa 20-anni innuttaasunik ataatsimiisitsisoqassaaq.