Atuarfimmut ataqqinninneq ataqqeqatigiinnerlu
Meeqqat atuarfiisa pitsaasuseq pillugu nalunaarutaanni novemberimi 2019-meersumi takuneqarsinnaavoq meeqqat atuarfianni atuartut atuanngitsoortarnerat annertuallaartoq. Tamannalu iliuuseqarfigineqartariaqartoq kommune aalajangerpoq. Qeqqata Kommuniani suliniuteqarnissamut immikkoortortaq ”Atuarfimmut ataqqinninneq ataqqeqatigiinnerlu” tunuliaqutaralugit atuanngitsoortarnerit annikillisinneqassapput. Taamaattumik atuartoq atuannginnissaminut nalunaaruteqanngikkuni angajoqqaajusut attavigineqassapput.
Atuassanngikkaannilu atuarfimmut nalunaaruteqartarnissaq atuarfimmut ataqqinninnerusoq ataqqeqatigiinnerusorlu Qeqqata Kommuniata nalilerpaa, soorlu sulisut sulissanngikkaangamik suliffimminnut nalunaartartut. Tamannalu naapertuilluannginnerussaaq atuartut atuanngitsoornissaminnut nalunaarneq ajorpata.
Takkuffissamullu isumaqatigiissutaareersumut takkutinnginnermi, imminut soqutigisasaqatigiinneq imminullu attaveqaqatigiinnermi atuilluartuunerussaaq.
Ima atuarfimmiit kalerriisassapput
Angajoqqaanut nalunaaruteqariaatsit assigiinngitsuusinnaapput, soorlu sms-kkut, mailikkut allagarsinerit, oqarasuaatikkulluunniit sianerfigineqarnerit. Atuarfiup allatsianiit, ilinniartitsisuniit atuarfiulluunniit pisortaaniit isumagineqartassaaq.