Meeqqat inuusuttuaqqallu pujortatalinnginnissaat, imigassartunnginnissaat aanngajaarniutinillu atuinnginnissaat Qeqqata Kommuniata anguniarpaa. HBSC Greenlandip kisitsisaataasa 2018-inimi takutippaat Qeqqata Kommuniani inuusuttorpassuit cigaretsi, imigassaq aanngajaarniutillu toqqartaraat. Akeqanngitsumik timersorsinnaanissaat tamakkununnga peqqinnanngitsunut pinaveersaataassaaq.
Meeqqat inuusuttuaqqallu siusissukkut timersortaliaaraangamik peqqinnanngitsunut ungasinnerusartut Islandimi pissutsit takutittareerpaat.
Pissutsillu aamma takutippaat ilaqutariit arlariinnik timersortartunik meerartallit timersoqatigiiffinnut meerartaminnik ilaasortaatitaqarnissaminnut aporfeqartartut, angajoqqaat ilai timersoqatigiiffinnut ilaasortaanermut akiliinissaminnut akissaqarneq ajoramik. Tamanna ajornartorsiut qimassavarput – meeqqat inuusuttullu akeqanngitsumik timersorsinnaatitaassapput.Ukioq manna 2020 aallarnerfigalugu meeqqat inuusuttullu 18-liineqanngitsut timersoqatigiiffinnut akeqanngitsumik ilaasortaasinnaapput. Qeqqata Kommuniata meeqqat inuusuttullu 18-liineqanngitsut timersoqatigiiffinnut ilaasortaanerat akilertassavaa, inuiaqatigiinnut iliuuseqaqataanerattut isigineqassalluni.
Angalanissamut taperneqarniaraanni inuaqqatigiinnut sullissinissaq piumasaqaataavoq
Timersortartut 14-leereersimasut unammiuaarnernut pissartanngorniunnernullu peqataanissamut angalanermut tapiiffigineqartartut, pisortanit aningaasanik tunineqaannaratik, angalanissamut tapiissutinik pissarsinissaminnut inuiaqatigiinnut arlaatigut akisussaaffilerneqarput.
Assersuutigalugu suliniutaasinnaasut tassaasinnaapput, illoqarfimmi pinngortitamiluunniit saligaatsuutitsineq, meeqqeriviit eqqaannik, kommunip aaqqissuussaata kiisalu utoqqaat angerlarsimaffiini aputaajaaneq il.il.
Attaveqarfissaq:
Ilinniartitaanermit Ataatsimiititaliami siulittaasoq, Evelyn Frederiksen.
Mail: info@qeqqata.gl / evfr@qeqqata.gl
Tlf: +299 52 59 55