Assigiinngitsunik qaffasissusilinnik piareersakkanik atuarfinnut upalungaarsimanissamut pilersaarutinik suliaqartoqarnikuuvoq.
- Iliuuserineqartut tamarmik atuutilersinneqarput innuttaasut sulisullu isumannaatsuunissaat peqqissusaallu qulakkeerniarlugu, Nunatsinni borgmesterit nalunaarput.
Pinaveersaataasumik suliniutitut, atuarfiup angerlarsimaffiullu suleqatigiinnerat ullumikkumiit oqarasuaatikkut imaluunniit mail atorlugu ingerlanneqassaaq. Atuarfiit ataasiakkat attaveqarfissatut paasissutissaataat uani takuneqarsinnaapput: https://bit.ly/2IW0GTP
Meeqqat atuartut arlallit ataatsimoortinnissaat pinngitsoortinniarlugu malittarisassiortoqareerpoq.
- Atuarfiit tamarmik anitsiartarfiisa piffissaat atuariartornissaanullu piffissat allanngortinneqarput.
- Atuarfiit tamarmik ataatsimoortarfinnut, soorlu inersuarnut atuinissamut malittarisassiussapput.
- Atuarfiit tamarmik qaanik, matut tigummiviinik perusuersartarfinnilu eqqiaasarnitik annertusissavaat.
- Atuartut sulisullu tamarmik maleqquneqartut malissavaat.
- Atuartut angalareerlutik angerlartut atuariartussanngillat ullullu 14-it angerlarsimassallutik.
Neriuppugut tamassi naammagittassuseqarlusi, suleqatiginnikkusussuseqarlusi paasinnillusilu ikiuutissasusi.
Nunatsinni inuk ataaseq tunillatsissimavoq.
Meeqqasi atuarfimmiit aamma/imaluunniit meeqqerivimmiit angerlarsimatiinnassanngikkisi kajumissaarpassi, meeqqassinni pisariaqanngitsumik ernumalernermik pilersitsisinnaammat.
Covid 19 aamma tunillatsissinnaaneq pillugu oqaloqatigisigit aammalu Kalaallit Nunaanni Unicef-mit siunnersuutit tallimat pitsaasut isumassarsiorfittut atorneqarsinnaapput.
http://www.unicef.gl