Ataqqinartorsuup Dronning Margrethep 80-liinerani Qeqqata Kommunia Danmarkimi Kalaallit peqqissartut Illuannut naasunik tunissuteqarpoq.
Borgmesteri Malik Berthelsen naasunik tunissuteqarnerminut ima oqaaseqarpoq:
- Asasagut kalaaleqatigut, peqqissarnersi pissutigalugu nunarput ilaquttasilu qimallugit peqqissartut angerlarsimaffianiittusi, Ataqqinartorsuup Dronning Magrethep ullumi 80-inik ukioqalernerani, Dronningip tunineqarnissaminut taarsiullugu kajumissaarutigaa inunnut allanut nuannaarutaasinnaasunik naasunik tunissuteqarnissaq.
Tamanna tunngavigalugu Qeqqata Kommunianiit aalajangerpugut ilissinnut nuannaarutaalaarsinnaasunik naasunik tunissuteqarniarluta, neriulluta ilissinnut qiimmaallaataajumaartut. Peqqissilluarnissassinnik kissaallusi.
Naasunik tunineqarnertik Kalaallit peqqissartut Illuanniit nuannaarutigineqarpoq.
- Qujanarujussuaq, qujamasoqaagut. Eqqarsaatersi iliuusersilu nuanneqaaq, peqqissartunullu nuannaarutaaqaluni.
Ataqqinartorsuup Dronning Margrethep inuuissiornerani tamassi pilluaritsi.
