Pilersaarusiaq ”Inuunerissaarneq – Det gode liv” aallavigalugu Plejehjemmimi sulisut 30-t Sømandshjemmimi ulloq 30. juuli akunnernik pingasunik sivisussuseqartumik ataatsimoortinneqarput ilinniartinneqarlutik Napparsimmavimminngaanniik nakorsaq Kathrine aammalu Plejehjemmimi Qupanummi niviarsiaq Sarah peqatigalugit. Sundhedsassistenti Heide nutserisuuvoq aammalu social- og sundhedshjælperi Kori suliniutinut nutaanut ilisarititsisuulluni.
Ulloq kajumissuseqarluartumik pimoorussisumillu ingerlanneqarpoq – peqataasut tamarmik peqataalluarlutik, aamma sulisuninngaanniik nalunaarutigineqarpoq, pikkorissarneq pissarsiaqarluarfiusimasoq, kissaatigineqarlunilu pikkorissarnerit arlaqarnerussasut. Pikkorissartitseqqinnissaq piffissaq aggersumut pilersaarusiorneqarpoq.
Pikkorissartitsineq ingerlanneqarpoq projektiminngaanniik ”Inuunerissaarneq – Det gode liv” politikkerit aningaasaliissutaanninngaanniik, innuttaasunut tamanut pitsanngorsaasaasussatut inuunermi atugarissaritaasunut. Projekti arfineq-marlunnik quleqartaqartunik gruppeqarpoq, meeraanermiik utoqqalinermut.