Aasaanerani pilersaarutit sapaatip akunnera 31 aamma 32 tamarmik unitsinneqarput (sommeraktiviteter), taamatullu sunngiffimmi ornittakkat Nutaraq, Sukorsit aamma musikskole/atuakkanik atorniartarfik/ katersugaasiviit matuneqarallarput tallimanngorneq 13. august 2021 naliliiffigeqqinneqassallutik.
Eqqaamallugu inuit qanillinaveersaarnissaat, assatit asattarnissaat taamatullu sprit-ernissaat.
Meerallit paaqqinnittarfinniittuutillit angajoqqaat kisimik meeqqanukaassillutillu aallersinnaapput imatut paasillugu ilaquttat kammalaatit meeqqanukaasillutillu aallersinnaanngillat.
Bussinut tunngatillugu innuttaasut qanermut assiaquteqarnissaat piumasaqaataammat taavalu issiavissaqaraanni aatsaat ikisoqarsinnaalluni.
Utoqqaat Angerlarsimaffianniittunut Qupanummut pulaarniartut ikinnerpaaffianiitinnissaat kissaatigaarput, pulaarnerminilu qanermut assiaquteqarnissaq piumasaqaataavoq, taamatuttaaq isernermi eqqiluisaarneq eqqumaffigeqaqquneqarpoq.
Oqaloqatigiissutit tamaasa oqarasuaatikkut immaqaluunniit mailikkut ingerlanneqassapput. Tamanna Coronavirusimik tunillaassuisinnaanermik pinaveersaartitsinissamik tunngaveqarpoq.
Neriuppugut tamassi ikiuutaajumaartusi naammagittassusermik, suleqatiginninnikkut paasisinninnermillu.
Kommunimi immikkoortortaqarfiit uunga saaffigineqarsinnaapput:
Innuttaasunik sullissivik: sisimiut@qeqqata.gl / 867370
Atugarissaarnermut Immikkoortortaqarfik innuttaasunik tigoqqaanera: sifs@qeqqata.gl / 867422
Saaffiginnittarfik Teknikkimut Avatangiisinullu immikkoortortaqarfik: sis.otm@qeqqata.gl / 867460 / 867461
Ilinniartitaanermut immikkoortortaqarfik: seno@qeqqata.gl / 867392
Paaqqinnittarffit, atuareersunut paaqqinnittarfik all.: kber@qeqqata.gl / 867321
Ilaqutariinnut kiffartuussivik: mawp@qeqqata.gl / 866077
Sisimiuni aalisarnermut piniarnermullu siunnersorti: otbe@qeqqata.gl / 863569
Majoriaq: sispia@qeqqata.gl / 867150
Allakkat/pappiaqqat tunniunneqassagunik nakkartitsivimmut allaffissuup saaniittumut nakkartinneqassapput, toqqaannartumik tunniuteqqusaanatik.
Paasisaqarnerugutta nakorsaaneqarfimmiik nutaamik nalilersorneqarpat allanillu malittarisassaqalissappat imal. saaffiginnittarfiit ammaqqilerpata paasititsiumaarpugut.