Qeqqata Kommunia inooqataanikkut, aningasaqarnikkut avatangiisitigullu inuiaqatigiittut atuilluartuunissamut aqqutissiuerusuppoq. Innuttaasut peqatigiiffiillu namminneq suliniutaat siumut aqqutissaasoq upperivarput.
Taamaattumik atuilluartuunissamut aningaasaliissutit aqqutigalugit suliniutinut aningaasanik qinnuteqarsinnaavutit. Kommuni agguaatassanut katillugit 100.000 koruuninik agguaassisarpoq.
Suliniutit ersarissumik atuilluartuunissamik siunertallit soorlu innuttaasunik ataatsimuulersitsisut, peqqinnerulersitsisut imaluunniit avatangiisinik pitsaanerulersitsisut tapiissuteqarfigisinnaasarpagut, suliniutip piumasaqaatit aalajangersakkallu sinaakkutigineqartut iluaniippat.
Qinnuteqarfissaq kingulleq tassaavoq 1. april 2022.
Qeqqata Kommunia
Makkorsip Aqq. 2
Postboks 1014
3911 Sisimiut
E-mail: qeqqata@qeqqata.gl
Atuilluartuunissamut aningaasaliissutinut paasissutissat annertunerusut qinnuteqarnissamullu immersugassaq uani www.qeqqata.gl, Atuilluartuuneq iserfigalugu nassaarisinnaavatit, imaluunniit sumiiffinni kommunip allaffiani sullissivinniluunniit tunniunneqarsinnaapput.
Atuilluartuunissamut aningaasaliissutit pillugit annertunerusunik paasissutissanik pisariaqartitsiguit attavigisinnaavat:
Mette B. Berthelsen, oqarasuaat: 867346 E-mail: mbbe@qeqqata.gl