Kommunalbestyrelsip teknikkeqarnermut ataatsimiititaliaata siulittaasuat, Nivi Heilmann Efraimsen (IA) erseqqissaavoq aningaasaliissutit isumannaarneqareersut maannalu suliariumannittussarsiuussineq ingerlanneqartoq:
- Kommunip akisussaaffigisaanik innuttaasunut atortussiat isumannaallisaanikkut pitsaasuunissaat pingaaruteqarluinnarpoq, maannalu paasereerparput kranitoqannguaq taanna ulorianarsisimasoq, taamaammat maanna sulissutigaarput nutaamik taarserneqarnissaa, assullu ajuusaarpugut angallaffiuleruttorfimmi matoqqatittariaqaratsigu, taamaattorli atuisut ulorianartorsiortikkumanagit allatut iliorsinnaanngilagut, neriuutigaarpullu atuisut paasinnillutik naammagittalaarsinnaassasut.
Qeqqata Kommuniani teknikkeqarnermut avatangiisunullu pisortaq Tuperna Rix erseqqissaavoq kranimik matoqqatitsisariaqarneq pinngitsoortinniarlugu nalilersuisoqarsimasoq:
- Periarfissanik misissuigaluarpugut, ilaatigut 5 tons ataallugu oqimaassusillit kivinneqarsinnaanissaanut periarfissaqarnersoq misissorparput, tassungalu tunngatillugu naliliivugut krani pisoqalinikooqisoq nutaanik atortulersorlugu oqinnerusunik kivitsisissinnaanngussagutsigu atortunik taarsersuerujussuarneq avaqqunneqarsinnaassanngitsoq, kranimullu atorsinnaajunnaarnikumut atortulersuineq nutaamik pisaarnermit aningaasartuuteqartitsisinerusussaammat aningaasaliussat iluini piaarnerpaamik nutaamik pisaarnissaq siunnerfigineqarpoq, maannalu suliffeqarfimmik aalajangersimasumik neqeroorusiortitsisoqarpoq, neriuutigaarpullu piaartumik kommunalbestyrelsip suliakkiussaa naammassisinnaajumaarlutigu, Tuperna Rix erseqqissaavoq.
Sukumiinerusumik paasisaqarusunnermi saaffissat:
Teknikkeqarnermut ataatsimiititaliami siulittaasoq Nivi Heilmann Efraimsen +299 29 58 79
Teknikkimut Avatangiisinullu pisortaq Tuperna Rix +299 70 21 00