airplanebooksbriefcase business cogs cross election entertainment fish house law lockmedicalpeopleselfservices socialtax

Aasaanerani sammisassaqartitsineq

Uani atuarsinnaavatit aasaanerani sammisassaqartitsinerit Qeqqata Kommuniani Sisimiut Maniitsorlu ingerlatassai.
25. juli 2022

Aasaanerani sammisassat 

Sisimiuni pilersaarut:

  

Tuperiarneq – pilineq:

Qangaaniit ilisimasat malillugit, kultoorerput malillugu eqalunnik, aalisakkanik allanillu pilinermik peqataatitsineq.
Kissaatigineqarpoq meeqqat nammineersinnaasut arfineq-pingasut ukiulinniik 16-it tikillugit ukiullit. Meqqaat namminneq pigeriissavaat, sinngup puua , atisat oqortut, gummit, kigutigissaatit assigisaallu allat.
Piffissaq: 1. august – 7. august ilanngullugu (sila apeqqutaalluni piffissaq sivikinnerusinnaavoq, aallarfissaq kingusinnerusukkut nalunaarutigineqassaaq).
Sumiiffik: Bådbro 4-mi naapissapput
Atuartut amerlassusaat: Amerlanerpaamik arfinillit.
Nalunaarfissaq: Inga Olsen, tlf. 86 73 20, mail: ingo@qeqqata.gl

Saqqummiussassamik sanaqataagit:
Qeqqata Kommunia pilersaarusiorpaa Sisimiut Katersugaasivik aamma Aasivissuit – Nipisat suleqatigalugit periarfissaq, atuartut angajullerni aasaanerani atuartitsinermi, peqataasinnaasut aaqqissuussinermi Sisimiut Katersugaasiviata nunataani.
Assassornermut nutaanillu pilersitsinermut soqutigisaqarpit aammalu arkitekti, qangarnisarsiortut katersugaasivimmilu sulisut saqqummersitseqatiginissaanut? Taava periarfissaqarputit toqqagaanissannut ikiuuttussatut una aasarmanna.
Sumiiffik: Sisimiut Katersugaasivik
Piffissaq: 3. august og 4. august, nal. 09:00 – 15:00
Atuartut amerlassusaat: Amerlanerpaamik tallimat.
Nalunaarfissaq: Inga Olsen, tlf. 86 73 20, mail: ingo@qeqqata.gl

Stand Up Paddle:
Stand Up Paddle tassaavoq nikuilluni ipunneq.
Padlernermi atortunik (nalunnguffatit sko-llu), isumannaallisaanermi atortut aamma SUP-ernermi atortut atorsinnaavatit.
Piffissaq: 3. august, 5. august, 9. august, 11. august, 15. august aamma 17. august, nal. 12:00 – 15:00
Sumiiffik: Paaraarsuk
Amerlussusaat killeqanngilaq.
Nalunaarfissaq: Inga Olsen, tlf. 86 73 20, mail: ingo@qeqqata.gl

Aalisariarneq:
Aalisariarnissamut peqataanissamut inissat killeqarput.
Piffissaq: 1. august, 5. august, 10. august aamma 17. august, nal. 11:00 – 15:00
Sumiiffik: Orsersortarfik
Amerlassusaat annerpaamik meeqqat 10
Nalunaarfissaq: Inga Olsen, tlf. 86 73 20, mail: ingo@qeqqata.gl

Iganeq:
Minngortuunnguup atuarfiata igaffiani assigiinngitsunik nerisassiorneq aammalu iffiorneq.
Piffissaq: 2. august aamma 16. august, nal. 11:00 – 14:00
Amerlassusaat killeqanngilaq.
Sumiiffik: Minngortuunnguup atuarfiata igaffiani
Nalunaarfissaq: Inga Olsen, tlf. 86 73 20, mail: ingo@qeqqata.gl

FabLab:
TOQQARNEQARSINNAASUT:
Laserskær: Nøglering-inik assiliassanik qisunnik plexiglassillu atorlugit sananeq
3D Print: Pinnguaaqqamik allamilluunniit mikisumik printerineq
Vinylskærer: Atisanut, igalaanut, iikkamut allanulluunniit nipputsitassamik killuititsineq
T-shirt presser: T-shirt-imik nammineq ilusilersukkamik sananeq. InkJet Transfer paper T-shirtinut ikkuttakkamik nammineq titartagaq asserluunniit toqqagaq atorlugit printerineq.
Sap.ak. tiimit qassit: Ataasinngorneq, marlunngorneq, tallimanngorneq nal. 13:00 – 17:30 tungaanut
Piffissaq: 8. august, 9. august aamma 12. august
Sumiiffik: Qulleq FabLab, Teknikimik Ilinniarfik, KTI-imi.
Atuartut amerlassusaat: Amerlanerpaamik arfinillit.
Nalunaarfissaq: Inga Olsen, tlf. 86 73 20, mail: ingo@qeqqata.gl

Qaqqaliarneq:
Palasip qaqqaanut majuarneq. Sandwich aamma imeq sassaalliutigineqassapput.
Piffissaq: 11. august, nal. 12:00 – 15:00
Amerlassusaat killeqanngillat
Sumiiffik: Ikaartarfimmi naapissaagut
Nalunaarfissaq: Inga Olsen, tlf. 86 73 20, mail: ingo@qeqqata.gl

Siorarsuarni ikumaartitsineq:
Siorarsuarni snobrød kissaalluni.
Piffissaq: 15. august, nal. 11:00 – 15:00
Amerlassusaat killeqanngillat
Sumiiffik: Ikaartarfimmi naapissaagut
Nalunaarfissaq: Inga Olsen, tlf. 86 73 20, mail: ingo@qeqqata.gl

Nipilersorneq:
Nipilersoriarnissannut sapaatip akunnera periarfissaqarputit ulluni 15. aggutsimiik 19. aggusti ilanngullugu Serravimmi.
Piffissaq: 15.-19. august, nal. 14:00 – 16:00
Amerlassusaat: Amerlanerpaamik 20
Sumiiffik: Serravik
Nalunaarfissaq: René Ingemann, tlf. 58 87 84, mail:alioqqit@gmail.com 

Qanganisarsiorneq:
Nipisanut aallarluni qanganisarsiortunut ikiuunneq, tassani ullaakkut aallaraanni unnukkut uternissaq naatsorsuutigineqarpoq.
Piumasaqaataavoq angajullerni atuartuunissaq.
Piffissaq: 18. august, nal. 09:00 – 18:00
Sumiiffik: Orsersortarfik
Amerlassusaat annerpaamik angajullerni atuartut 3
Nalunaarfissaq: Inga Olsen, tlf. 86 73 20, mail: ingo@qeqqata.gl

Siorarsuarni naggataarneq grillerinertalik:
Aasaanerani sammisassaqartitsineq naggaserlugu siorarsuarni grillereqatigiinneq ingerlanneqassaaq, aammalu assigiinngitsunik sammisaqaqatigiinneq.
Piffissaq: 19. august, nal. 12:00 – 17:00
Sumiiffik: Siorarsuit
Amerlassusaat killeqanngilaq.
Nalunaarfissaq: Inga Olsen, tlf. 86 73 20, mail: ingo@qeqqata.gl

 

Maniitsumi pilersaarut:
 

Iganeq:
Atuarfik Kilaaseeqqap igaffiani assigiinngitsunik nerisassiorneq aammalu iffiorneq.
Piffissaq: 8. august, 15. august aamma 22. august
Amerlassusaat: Annerpaamik atuartut qulit
Sumiiffik:Atuarfik Kilaaseeraq igaffiani
Nalunaarfissaq: Per Andersen, tlf. 81 78 02, mail: pean@qeqqata.gl

Aalisariarneq:
Aalisariarnissamut peqataanissamut inissat killeqarput.
Piffissaq: 9. august, 16. august, aamma 23. august, nal. 11:00 – 15:00
Sumiiffik:MATTA puttasua
Amerlassusaat annerpaamik meeqqat 10
Nalunaarfissaq: Per Andersen, tlf. 86 78 02, mail: pean@qeqqata.gl

Bykort:
Illoqarfimmi soqarnersoq misissuineq pitsaaliuinermik siunnersorti  Tina J. Nikodemussen peqatigalugu. 
Piffissaq: 11. august og 18. august
Amerlassusaat:Killeqanngilaq
Sumiiffik: Kommuni eqqaani naapeqatigiissapput 
Nalunaarfissaq: Per Andersen, tlf. 81 78 02, mail: pean@qeqqata.gl

Assammik arsarnermi sungiusarneq:
Assammik arsarnermi atuartitsisoqassaaq/sungiusartoqassaaq sap.ak. 34 naallugu. 
Piffissaq: Uge 34, 22.-26. august 
Amerlassusaat: Maks 20
Sumiiffik: Haali
Nalunaarfissaq: Per Andersen, tlf. 81 78 02, mail: pean@qeqqata.gl