Immikkuualuttumi 800-B8.3mi marlunnik quleriillit tikillugit sanaartukkanut inuussutissarsiorfiusunut sanaartorfissaq saqqqummiunneqarpoq:
- Sanaartorfissaq 3.1 tunngaviusumik quleriaanik 806 m2-mit 403 m2 tikillugu illumik inuussutissarsiorfiusumik sanaartorsinnaanermut periarfissalik.
Qeqqata Kommunianit maluginiaqquneqarpoq, sanaartukkanut allanut 10 meterimit annikinnerusumik ungasissusilimmik sanaartortoqassappat, taava iikkersuutai klasse 1-iussapput.
|
Sanaartorfissaq |
Sanaartorfimmut ataatsimut (annerpaamik) quleriimmut m2-i |
Sanaartorfissamut ataatsimut sanaartorfissagissaanermut akileeqataassutissaq (aki aalajangersimasoq) |
|
3.1 |
806 |
50.000 kr. |
Sanaartorfissap inissisimaffia nunap assingani 1-mi takuneqarsinnaavoq. Qeqqata Kommunianut 2012-imit 2024 tikillugu kommunip pilersaarusiorfigineqarnerani tapiliussami nr. 24 aalajangerskkat immikkoortup ilaanut 800-E8-mut atuupput. Nunap assingi allat qinnuteqarnissamullu periuseq www.qeqqata.gl aamma https://pilersaarut.qeqqata.gl/-imi takuneqarsinnaapput.
Sanaartorfissami pineqartumi qanoq annertutigisumik sanaartortoqaraluarpallaanniit, sanaartorfissamut sanaartorfissagissaanermut akiliutissaq tamakkiisoq akilerneqassaaq.
Sanaartorfissat saqqummiunneqartut 01.08.2023. tunniunneqarsinnaanngornissaat naatsorsuutigineqarpoq. 2023.
Nunaminertamik inniminniinermut qinnuteqaammut ilanngunneqassapput:
- Sanaartugassatut eqqarsaataasoq qaqugu aallartinneqarnissaanut naammassineqarnissaanullu naatsorsuutigisatut piffissatut pilersaarut.
- Sanaartorfissagissaanermut akileeqataanissamut aningaasartuutinik akiliisinnaanermut qinnuteqartup aningaasaqarnikkut piginnaasaanut kiisalu sanaartugassatut eqqarsaataasumik sanaartornermi nunaminertamik atuisinnaanissaanut uppernarsaat.
Qinnuteqaatit taamaallaat paasissutissanik taakkuninnga ilaqartut ilaatinneqassapput. Qinnuteqaatip naammaginartumik eqqortumillu nassuiarsimanera qinnuteqartup nammineq akisussaaffigivaa.
Paasissutissanut, uppernarsaanissamut qinnuteqarnissallu ingerlanneqarnissaatut piumasaqaataasunut nalornissuteqartoqarpat, imaluunniit paasissutissanik sukumiinerusunik pisariaqartitsisoqarpat, Sisimiuni Teknikkeqarnermut Avatangiisinullu immikkoortortamut saaffiginnittoqarsinnaavoq.
Nunaminertamik inniminniinissaq pillugu qinnuteqaat Qeqqata Kommunianut, Teknikkeqarnermut Avatangiisinullu immikkoortortaq, Postboks 1014, 3911 Sisimiut-nut tunniunneqassaaq. Qinnuteqaat sanaartorfissatut kissaataasut pillugit pingaarnersiuilluni takussutissamik imaqarsinnaavoq. Qinnuteqaatit 2023-mi ataasinngorneq juulip 17-iani nal. 15 tiguneqarsimasut piffissaq eqqorlugu tiguneqarsimasutut isigineqassapput.
Qinnuteqaatit piffissaq eqqorlugu tiguneqartut tamarmik ataatsikkut tiguneqartutut isigineqassapput. Sanaartorfissanut ataasiakkaanut qinnuteqartut piukkunnartut arlaliussagaluarpata, agguataarineq makitsinikkut aalajangerneqassaaq.
Qinnuteqarnermut piffissap qaangernerata kingorna sapinngisamik sukkanerpaamik agguataarineq makitsisinnaanerlu ingerlanneqassapput, tamatuma kingorna nunaminertamik inniminniinermik pigisaqartoq sivisunerpaamik qaammatini pingasuni nunaminertamik atugassinneqarnissamut qinnuteqaammut inniminniinissamut anngussinnaavoq. Sanaartorfissagissaanermut akileeqataassutissaq nunaminertamik atugassiilluni Qeqqata Kommuniata ulloq tunniussiffigisaani kingusinnerpaamik akilerneqassaaq, aammalu nunaminertamik atugassiissummik tunniussineq sioqqullugu akiliisimanermut uppernarsaammik piumasaqarsinnaanermut kommuni pisinnaatitaavoq.