Maniitsumi innaallagissiorfimmut, ikuallaavimmut, eqqakkanik tigooraavimmut sillimmatitullu innaallagissiorfimmut teknikkikkut immikkoortumut kommunip pilersaarusiorfigineqarnerani tapiliussamik nr. 79-imik nalunaarutiginninneq
Maniitsumi innaallagissiorfimmut, ikuallaavimmut, eqqakkanik tigooraavimmut sillimmatitullu innaallagissiorfimmut teknikkikkut immikkoortumut kommunip pilersaarusiorfigineqarnerani tapiliussaq nr. 79 kommunalbestyrelsimit inaarutaasumik 27.10.2022 akuersissutigineqarpoq. Malitsigisaanik kommunip pilersaarusiorfigineqarnerani tapiliussamik iluarsiissuteqarneq 25.05.2023 kommunalbestyrelsimit akuersissutigineqarpoq matumuunakkullu 15.06.2023 nalunaarutigineqarluni.
Kommunip pilersaarusiorfigineqarnerani tapiliussaq, Maniitsumi innaallagissamik pilersuinermik qulakkeerinnikkumalluni sillimmatitut innaallagissiorfimmik nutaamik Nukissiorfiit sanasinnaanissaat periarfissikkumallugu pilersinneqarnikuuvoq. Tamatuma saniatigut immikkoortortat ilaasa killeqarfiisa allanngortinneqarnerisa kingunerissavaa, siunissami innaallagissiorfimmik, ikuallaavimmik aamma eqqakkanik tigooraavimmik allilerinissamut ingerlatsinissamullu tunngavissaqartoqalernissaa.
Pilersaarut Qeqqata Kommuniata digitalimik kommunimut pilersaarutaani https://pilersaarut.qeqqata.gl takuneqarsinnaavoq imaluunniit Qeqqata Kommunia, Teknikkeqarnermut Avatangiisinullu immikkoortortaq, Pilersaarusiornermut immikkoortortamut saaffiginninnikkut tunniunneqarsinnaalluni.
