Sisimiuni Umiivitsiap kitaatungaanut Qiviarfiullu kujataatungaanut inissiassanut siunertanullu ataatsimoorussanut immikkortumut kommunip pilersaarusiorfigineqarnerani tapiliussaq nr. 81 2023-mi aggustip 24-anni Kommunalbestyrelsi sinnerlugu Borgmesterimit inaarutaasumik akuersissutigineqarpoq, matumuunakkullu nalunaarutigineqarpoq.
Qeqqata Kommunianut 2012-miit 2024 tungaanut kommunip pilersaarusiorfigineqarneranut kommunip pilersaarusiorfigineqarnerani tapiliussaq nr. 81-imik immikkoortumi inissianut periarfissanut amerlanerusunut ammaassisoqarnissaanut kiisalu siunertanut ataatsimoorussaqarluni qiterisaqarfimmik pilersitsinissamut inuit nuannarinerusassaanik ingammik sineriak sinerlugu pisuinnaat aqqutaannut immikkoortumilu ilinniartut inaannut atatillugu suliarineqarnikuuvoq. Kommunip pilersaarusiorfigineqarnerani tapiliussamik nr. 81-imik matuminnga immikkoortut ilaat marluk pilersinneqarput. Immikkoortup ilaa 800-A53 tallimanik sanaartorfissalerlugu inissiaqarfittut immikkoortinneqarpoq tassani inissiat assigiinngiiaartut sanaartorneqarsinnaallutik assersuutigalugu utoqqarnut pisinnaanerusunut inissiat, innarluutilinnut inissiat, sulisunut inissiat ilinniartunullu sanaartukkat. Immikkoortup ilaa 800-C26 15-inik sanaartorfissalerlugu qiterisaqarfittut siunertalinnut immikkoortinneqarpoq inissiassanut periarfissalerlugu, niuertarfittalerlugu pisortat inunnillu ataasiakkaanit sullissinerit, kulturikkut timersornikkullu atortussat, sukisaarsaarnermi atuuffiit.
Pilersaarut Qeqqata Kommuniata digitalimik kommunimut pilersaarutaani https://pilersaarut.qeqqata.gl takuneqarsinnaavoq imaluunniit Qeqqata Kommunia, Teknikkeqarnermut Avatangiisinullu immikkoortortaq, Pilersaarusiornermut immikkoortortamut saaffiginninnikkut tunniunneqarsinnaalluni.