Atuarfiup silaannalunnera pillugu atuartut ilinniartitsisullu toqqissisimanatik qisuariaateqarnerat tunngavigalugu Qeqqata Kommuniani immikkut suligasuartoqarpoq.
Piffissami qaninnerpaami init atuartitsiviusinnaasut piaartumik suliarineqassapput, piaartumik nuuffigineqarnissaat anguniarlugu. Atuartunik allaffinnillu nussuinissaq suliaavoq annertooq, taamaattorli meeqqat ilinniartitsisullu peqqissusaat salliutillugu pingaarnersiuineq ingerlanneqassaaq.
Nuutsiterinissamut pilersaarutit kommunalbestyrelsimut qaqinneqassapput oktoberip 26-ni, tassani allaffissornermi piareersaatit aningaasartassaalu saqqummiunneqassallutik.
Suliap ingerlanera Maniitsumi atuartut angajoqqaavinut innuttaasunullu saqqummiunneqarumaarpoq.
Maniitsumi ilinniartitsisut, atuartut angajoqqaallu ilungersunartumik inissisimaneranni Qeqqata Kommunianiit tusaavarput, aamma iliuuserisinnaasagut periarfissallu tamaasa ujartorpagut.
Atuartut 357-it, ilinniartitsisullu 44-it, katillugit inuit 401-it nuunneqassapput.