Sisimiuni utoqqaat 14-t angalatitsisullu marluk ukioq manna Tyrkiet-imi Alanya-mut angalapput.
Sisimiuniit ulloq 21. Sept. DK-mut aallarlutik, ingerlaqqillutillu Tyrkiet-mut ulloq 23. Sept. 2023, sapaatip akunnera Tyrkiet-mi Alanya-meeriarlutik 30. Sept. 2023 DK-mut uterlutik, DK-miillu ulloq 03. Oktober 2023 Sisimiunut angerlarlutik.
Illoqarfimmi Alanya-mi takornariarnerit, sissami imaanut kinisimariarluni palersaarnerit, taakkulu saniatigut massagertinnerit kiisalu umiatsiarsuarmik angalalluni takusassarsiornerit ingerlanneqarput. Silaannaq kiakkaluartoq malunnarpoq utoqqaat ilaannut amimikkut iluaqutigigaat aammalu allatigut iluaqutigisutut misigalugu oqaasinnguisarnerminni oqariartuutigisarlugu.
Nuannersumik angalaneq ingerlanneqarpoq minnerunngitsumik ataatsimoornermi illaqatigiittarnerit, angalanermi nuannersumik misigisaqartitsisutut ipput.
Utoqqaat angalaqataasut tamaasa qutsavigaangut, ajunnginnissaannillu kissaallugit.
Angallassisuupput Utoqqarnut immikkoortortaqarfimmi sullissisoq Søren Alaufesen aamma Angerlarsimaffimmi ikiortit allaffianni tullersortaasoq Marie Petersen
Angalanermi assit facebooksidemi takuneqarsinnaapput:
https://www.facebook.com/photo?fbid=736031585230491&set=pcb.736040221896294