Bettina Abelsen Hansen maanna ukiuni marlungajanni Qaqortumi Tasersuup Atuarfiani atuarfimmi pisortaasoq Maniitsumi Ilinniartitaanermut pisortanngussaaq.
Taanna siusinnerusukkut Narsap Atuarfiani ukiuni pingasungajanni atuarfiup pisortaatut atorfeqarnikuuvoq, tamannalu sioqqullugu Mingortunnguup Atuarfiani atuarfiup pisortaata tullersortaatut, atuarfimmi siunnersortitut ilaatigut Qeqqata Kommuniani ilinniartitsisutut sulinikuulluni.
- Bettina eqqissisimasumik pissuseqarnera kiisalu sulinermi atugassariitaasunik pitsanngorsaanissamut piumassuseqarmat suleqatiginissaanut qilanaarpugut, atorfinitsitsinissami ataatsimiititaliaq ilaatigut taama allappoq.
Bettina Abelsen Hansen novembarip aallaqqaataaniit atorfinissaaq.
