airplanebooksbriefcase business cogs cross election entertainment fish house law lockmedicalpeopleselfservices socialtax

Arctic Circle Race 2024


Artic Circle Race 2024 pikkunarluinnartumik ingerlanneqareerluni kusanarluinnartumik naammassivoq.
25. marts 2024

ACR-imi siulersuisut, Sisimiuni innuttaasut, avataaniit ilinniariartorlutik Sisimiuniittut, højskolertut aammalu Sisimiut avataaniit tikillutik ikiuukkiartortut tamaaviisa Qeqqata Kommunia innuttaasullu sinnerlugit uummammik pisumik qujaffigerujussuarpagut.

Aaqqissuussaq imaannaanngitsoq, illoqarfik, illoqarfimmilu atortorissaarutit qimallugit, suliarujussuaq tupinnaannartumik pikkorillusi kusanaqisumillu kingumut nunarsuarmioqatitsinnut naammassillugu takuteqqipparsi. Ikioqatigiinnissigut suliaq takutittagarsi isigalugu ilumut tupinnarlunilu ajasoornaqaaq. Inuiannguit ikittunnguugaluarluta aaqqissuussamik taamak annertutigisumik kusanartigisumillu aaqqissuinissamut kalaallit aamma sapinngitsugut takutipparsi.

Ilanngullugu KNR TV, uummammik pisumik aamma qutsavigaarput, aaqqissuussap nunatsinnut qanoq pingaaruteqartiginera sineriatsinni innuttaasunit malinnaavigineqarsinnaanngorlugu ukioq manna aallakaatitassiarimmagu. KNR TV qujanaq.

Malik Berthelsen, borgmesteri.