Angajoqqaat siulersuisui

Qeqqata Kommuniani meeqqeriveqarfinni inatsit nutartigaq naapertorlugu angajoqqaat meeqqerivimmiittuutillit pisussaatitaaffigilerpaat angajoqqaat siulersuisoqalernissaat.

Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut Inatsisaat nr.62 20 november 2023 ima allaqqavoq
§ 24. ……Angajoqqaat siulersuisuisa suliassaraat:
1) ulluunerani paaqqinnittarfimmi sammisassanik suliniutinilluunniit siunnersuuteqarlunilu aaqqissuussineq,
2) perorsaanikkut ukiumut pilersaarusioqataaneq,
3) perorsaanikkut ukiumut pilersaarutinik ukiumut marloriarlutik malitseqartitsineq kiisalu ulluunerani neqeroorummi meeqqat pisariaqartitaannut naleqqussaaneq, aamma
4) illumi aaqqissuussinermik allannguinermillu siunnersuuteqarneq.
Imm. 4. Angajoqqaat siulersuisui ataatsimiinnerni tamani imaqarniliortassapput, ataatsimiinnerup kingorna kommunalbestyrelsimut imaluunniit paaqqinnittarfimmi imminut pigisumi siulersuisunut tunniunneqartussamik.

Qilanaarluta angajoqqaat siulersuisuinik suleqateqarluarnissatsinnik takusassiarilaarpagut Sisimiuni Naalumi Angajoqqaat siulersuisunngortut, taakkua iluminni isumaqatigiissimapput qaammammut ataasia naapittarniarlutik ukiup ingerlanerani Naalumi sammisassanik pilersaaruteqarnissaminnut piareersaatissanik eqqartuisarniarlutik.