Taanna piffissami 15.03.2024-miit 15.05.2024 tungaanut tamanut oqallisissiassanngorlugu saqqummiunneqarpoq.
Siunnersuutip ileqqoreqqusap 2015-imeersup atuutuusup nutarsarneqarnissaa aammalu tassunga atatillugu qimmeqarnermik kommunip nalimmassaarinera tamakkiisoq ataatsimut katersorneqarnissaanik - tassalu qimmeqarneq pillugu ileqqoreqqusaani siunertarivaa. Ilutigitillugu siunnersuut malittarisassanik ajornaannerulersitsisoqarnissaanik siunertaqarpoq, taamaalilluni inatsimmi oqariartuutigineqartunit qimminik qimmiliveqarnermut piumasaqaatinik amerlanerusunik piumasaqaateqartoqassanani.
Siunnersuut Qeqqata Kommunianut tamarmiusumut atuuppoq taamaalillunilu qimmeqarfiunngitsup avataani qimminik nalimmassaalluni, takuuk kapitali 3, aamma qimmeqarfiup iluani qimminik nalimmassaalluni, takuuk kapitali 4. Kapitali 2-mi perlerussinnaanermut akiuussutissat, kinaassutsinut ilisarnaatit nalunaarsuutillu pillugit nalinginnaasumik aalajangersakkat qimmeqarfiit iluanni avataannilu atuupput.
Qimminik qimmiliveqarnermut kommunip ileqqoreqqusanut nutaamut siunnersuut kommunip nittartagaani www.qeqqta.gl tusarniaanerit ataanni takuneqarsinnaavoq imaluunniit Teknikkeqarnermut Avatangiisinullu immikkoortortamut saaffiginnissuteqarnikkut tunniunneqarsinnaavoq.
Tusarniaanermut akissuteqaatit uunga nassiuteqquneqarput:
Qeqqata Kommunia
Postboks 1014
3911 Sisimiut
E-mail: sis.otm@qeqqata.gl
Oqarasuaat: 86 74 75
Inatsisit pillugit uani paasisaqarnerugit