Kangerlussuarmiit Arctic Sports-imik peqataasut angusarissaarluarmata tunissuteqarfigineqartut

Arctic Sportsimik unammiarnermi angusat pissartanngortoqarluni, sølvinnattoqarluni, bronzennattoqarluni aamma pikkorinnerit tallimat akornanni Kangerlussuarmeersut angusaqarsimammata nunaqarfimmi aqutsisut atisanik timersuutinik tunissuteqarput.

- Kangerlussuarmi Arctic Sports KAP-miit nunatsinni unammiuaarnermi aatsaat peqataatitsigaluarlutik takutitsilluarneri assut nunaqqataasuniit tulluusimaarutigeqaarput, taamaammat tapersersuilluta unammiat tikimmata atisanik timersuutaasinnaasunik tapiissuteqarpugut, Kangerlussuarmi Nunaqarfimmi aqutsisoq Johan Lange oqarpoq

Arctic sports Kangerlussuaq KAP caféteriami innuttaasunut tamanut ammasumik kaffillerpoq, angajoqqaat paggatitsillutillu aliikkusersuipput. Angajoqqaallu sungiusaasumut Helga Nielsenimut qujaniarlutik aamma tunissuteqarput.