Kangerlussuarmi ilinniarfik nutaaq

Upalungaarsimanermut sakkutuutullu piginnaasaqarnermut ilinniagaq nunatsinni ilinniarfissatut nutaarluinnaq Kangerlussuarmi periarfissaalerpoq. Ukioq mannalu ilinnialersut 22-it maajip tallimaani aallartittut Qeqqata Kommunianit nuannaarutigineqarput.

- Kommunimiit assut tulluussimaarutigeqaarput inuusuttunut ilinnialertunut siunissamilu ilinnialertussanut periarfissaqartoqarsimmaammat. Inuusuttullu siulliit ataasinngornermi maajip arfernganni 2024 aallartsinnissaminnut qilanaartupilussuupput, taakkuuppullu ilinniarfimmi aallartsittussat siullersaat, siunissarlu aammaassissalluni inuusuttunut upalungaarsimanermut ilinniarsimareerlutik ingerlariaqqinnissaannut, Qeqqata Kommuniani pisortaaneq Hans Christian Sværd oqarpoq.

Ilinniarfik Kalaallit Nunaanni najugalinnut tulluarsagaavoq, nunatsinnut upalungaarsimanermik taasumalu suliassaqarfianut tulluarsagaalluni. Isiittumi Tunngaviusumik Ilinniakkaminnik naammassinnittut illersornissaqarfimmi ilinniaqqinnissaminnut tunngavissinneqassapput.