KNI aamma suliffeqarfiuvoq inuiaqatigiit naleqartitaannik kulturiannillu pingaartitsisoq. Tamanna nioqqutissat atisallu muteerniusut kalaalerpaluttunik kusanarluinnartunik ilusilerugaallutillu nunatsinnut tulluarsagaasut nioqqutissiaasigut erseqqissumik takuneqarsinnaavoq.
KNI-p pingaartitaasa ilagaat inuiaqatigiinni akisussaaqataaneq.
Soorlu pinngortitatta paarineqarnissaanik, peqqinnartumik inuuneqarnissamut, ilinniartitaanerup qaffassarneqarnissaanut kiisalu nunatsinni timersornermut aaqqissuussanut angisuunut tapersersuisarnermigut tamanna malunnaatilimmik maligassiuisutut takutittaraa.
KNI-p nunatsinnut tamarmut pingaaruteqarnermi saniatigut KNI-p kiffartuussiviata Sisimiuni inissisimatinneqarnera sulisorpassuisalu Sisimiuni najugaqartigineri Qeqqata Kommunianniit soorunami qujamasuutigalugu nuannaarutigeqaarput.
KNI suli ukiorpassuarni nunatsinni piunissaanik ingerlalluarnissaanillu kissaallutigu pilluaqquarput.
Malik Berthelsen, Qeqqata Kommuniani borgmesteri