Pingasunngorneq 10. juli 2024-miit akuersissutinik qinnuteqarsinnaavutit ukununnga:
Tuttunniarnissamut, piniarfik 2-mi (Sisimiut-Kangerlussuaq)
Tuttunniarnissamut, piniarfik 3-mi (Maniitsoq-Akia)
Umimmannarnissamut, Maniitsup aqutsiviani (Kangerlussuarmi)
Akuersissummik qinnuteqarneq pissaaq Kommunip allaffiani Innuttaasunut Sullissivimmut saaffiginnilluni.
Qinnuteqarnermi piumasaqaataavoq sunngiffimmi piniarnermut allagartaq 2024-imut atuuttoq. Piniarnermut allagartaq kingusinnerpaamik akilerneqarsimasoq 30. april 2024.
Qinnuteqarnermi piumasaqaatit uku naammassineqassapput:
• Kalaallit Nunaanni najugalittut inuit nalunaarsorsimaffianni nalunaarsorsimasuunissaq.
• Ukiut kingulliit qulit iluanni ataannartumik ukiuni marlunni Kalaallit Nunaanni najugalittut inuit nalunaarsorsimaffianni nalunaarsorsimasuunissaq.
• Qinnuteqartup 15-inik ukioqalereersimanissaa.
Erseqqissaatigineqassaq Sisimiut aqutsiviani umimmanniarnissamut akuersissummik qinnuteqartitsineq uani pineqanngimmat. Sisimiut aqutsiviani umimmanniarnissamut qinnuteqartitsineq pillugu immikkut nalunaaruteqarpugut.